Dýmandy meıramǵa Mádenıet jáne sport mınıstri Arystanbek Muhamedıuly qatysty.
E.Brýsılovskııdiń «Qyz Jibek» ulttyq opera jaýharynan Shegeniń shýmaqtary Teatr alańyna aıryqsha kóńil-kúı syılady. Kúımege jegilgen attarmen merekelik dýmanǵa Qydyr ata kelip, balalarǵa syılyq taratty.
Osylaısha, baıyppen, mereke teatr ǵımaratyna aýysty: ulttyq stılde bezendirilgen Mármár zaly sán-saltanaty kelisken kıiz úıge aınalǵan, ishinde merekelik dastarhan jaıylǵan. Meıram qatysýshylaryna terme, salt-dástúrler, halyq ánderi, dombyrashylardyń ónerinen turǵan mazmundy baǵdarlama usynyldy jáne tusaý kesý salt-dástúri kórsetildi. Oǵan «Oskar» syılyǵynyń ıegeri Franka Skýarchapıno (Italııa) jáne QR Mádenıet jáne sport mınıstri Arystanbek Muhamedıuly qatysty. Sonymen birge, mınıstrlik basshysy sulý arýlarǵa kóktemniń sımvoly – báısheshekterdi syıǵa tartty.
- Barlyq qazaqstandyqtardy kóktemniń jańǵyrý belgisi – Naýryz meıramymen quttyqtaımyn. Biz, onyń negizinen balalarǵa arnalǵanyn qalaımyz. Elimizdiń teatrlary men búkil mádenı mekemeleri osy kúni qaıyrymdylyq konsertter ótkizýde. Oǵan balalar úıiniń tárbıelenýshilerin, jaǵdaıy tómen jáne kópbalaly otbasylardan balalar shaqyryp, shyǵarmashylyq tartýlarymen qosa ulttyq taǵamdardan turatyn tátti syılyqtar syılaýda. Biz barlyǵyn búldirshinderimizge arnaımyz, sebebi – ómirimizdiń basty máni solarda, - dedi Arystanbek Muhamedıuly.
Merekelik dýman sońynda barlyǵy Úlken zalǵa shaqyryldy, bul jerde ujym «Qyz Jibek» ulttyq spektaklinen kórinisti sahnalady.
Naýryzdy jańa formatta merekeleý estafetasyn «Astana Opera» teatrynan Qazaqstannyń ózge de shyǵarmashylyq ujymdary qabyl aldy.
Eske salar bolsaq, Qazaqstanda Naýryz meıramyn jańa formatta toılaýdy QR mádenıet jáne sport mınıstri Arystanbek Muhamedıuly usynǵan edi. Vedomstvo basshysy Naýryz formatynyń erekshe mańyzdylyǵyn atap ótti, ıaǵnı onyń negizgi ıdeıasy – Qazaqstan halqynyń ulttyq sana-sezimin asqaqtatatyn jastardy tárbıeleý. Mınıstr otandastarymyzdy ejelden merekege tán jalpy adamzattyq qundylyqtardy qaıta jańǵyrtyp, aıasy tar folklorlyq-etnografııalyq sheginen shyǵýǵa jáne jalpy ulttyq mereke deńgeıine deıin kóterýge shaqyrdy.
