Qalalyq mádenıet jáne tilderdi damytý bóliminiń sektor meńgerýshisi Meıram Nuǵyman baıqaýǵa 54 adamnyń qatysqanyn atap ótti.
- Qatysýshylar 4 nomınasııa boıynsha synǵa tústi, - dedi Meıram Nuǵyman. – «Úzdik ul bala kosıými», «Úzdik qyz bala kostıými», «Úzdik erler kostıými» jáne «Úzdik áıelder klstıými» nomınasııalary boıynsha jeńimpazdar anyqtaldy. Kıimdi tigýde ulttyq qundylyqtardyń saqtalýy, kıimge shyǵarmashylyq turǵydan kózqarastary, kıimniń ulttyq elementtermen árlenýi boıynsha baǵa berildi. Qatysýshylar 19 naýryzǵa deıin ótinishterin bergen. Al, 20 naýryzdan irikteý kezeńi bastalǵan. «Úzdik ul bala kostıými» boıynsha bas júldeni Sanjar Nuǵyman ıelendi. Qyz balalar arasynda Aıarý Aıtmuhamet, erler arasynda Atyǵaı Taqyrbasov jáne áıelder arasynda Azıza Jumaǵulova jeńimpaz atandy.
