Jınalǵan qaýym arasynda Atyraý oblysynyń ákimi N.Noǵaev, QR IIM Ákimshilik polısııa komıteti bastyǵynyń orynbasary polısııa polkovnıgi M.Baıbolov, oblystyń bas polıseıi polısııa polkovnıgi A.Dúısembaev, sondaı-aq Polısııa departamentiniń jeke quramy boldy.
Qaraly jıynda qyzmetkeriniń joǵary adamgershilik qasıetterin eske alǵan Polısııa departamentiniń bastyǵy Aıan Dúısembaev: «Meniń ózimniń qyzmet etken birneshe jyldardyń ishinde alǵash ret jas jaýyngerimnen aıyrylyp turmyn. Meniń jaýyngerim qan maıdanda emes, adamdy ajaldan arashalaý kezinde Jaıyqtyń asaý tolqynynda qaza boldy. Qosh bol, meniń jas jaýyngerim!» - dep tolqı sóıledi.
Aqymǵalıevter otbasyna kóńil aıtyp joldaǵan QR Senat Parlamentiniń tóraǵasy D.Nazarbaeva, «Nur Otan» partııasy tóraǵasynyń birinshisi hatshysy M.Áshimbaev, QR Ishki ister mınıstri E.Turǵymbaevtyń jedel hattary tanystyryldy. Jerleý rásimi kezinde erlikpen qaza tapqan polısııa serjanty Shalqar Aqymǵalıevqa qurmet kórsetý úshin polısııa departamenti qyzmetkerleri aspanǵa úsh márte bos patrondarmen oq atyp, qoshtasý belgisin bildirdi.
