Saltatty adam shekaralyq Aspara ózeninen ótip, Memlekettik shekaranyń symtemir qorǵanyn kesip bergi betke óte bataǵan kezde kelip qalǵan shekara narıadyn kórip keri qaraı jalt buryldy. Kórinbeıtin symtemirli kedergige shyrmatylyp qalǵan atyn tastaı salyp, shekara buzýshy jaıaý qashyp, kórshi eldiń aýmaǵyna kirip úlgerdi. Atty qolǵa túsirgen qazaqstandyq shekarashylar kórshiles memlekettiń Shekarashylaryn bolǵan jaǵdaı týraly qulaqtandyrdy;
Qorǵasta medısınalyq zattar kontrabandasymen 25 jastaǵy qazaqstandyqty ustady.
Ustalǵan azamat Halyqaralyq shekara boıy yntymaqtastyǵy ortalyǵynan ózimen birge 4 qorap hýrýrgııalyq jipter men ıneler, 1 qorap analızder jınaýǵa arnalǵan vakýteınerler ala kirmek bolypty. Kontrabandalyq júktiń jalpy salmaǵy 28 kg;
«Ońtústik» óńirlik basqarmasynyń aýmaǵyndaǵy «B. Qonysbaev-avto» bólimshesinde О́zbekstannan Qakzaqstanǵa qaraı 1000 dana áıelder sómkesin engizbek bolǵan reseılikti ustady;
Osy «Ońtústik» óńirlik basqarmasynyń «B. Qonysbaev-avto», «Jetisaı-avto», «Atameken-avto», «Aısha-bıbi» bólimshelerinde 400 lıtrge jýyq janar-jaǵarmaı ónimderi men 42 tonna turmystyq pesh otynyn, 21 tonna «Benzonol BI-92» ónimin elden zańsyz alyp shyǵýǵa tosqaýyl boldy.
Aqtóbe shekara otrıadynyń «Jaısań-avto» bólimshesinde 200 kg shaıdy, 38 tonna teplovozdyń qosalqy bólshekterin, «Álimbet-avto» bólimshesinde 20 000 kg fasol, kók burshaq, kúrish, keptirilgen qara órik ónimderin Reseıge zańsyz alyp shyqpaqshy bolǵan tórt qazaqstandyqty ustady.
Qordaıda jalpy kólemi 30 lıtrǵa jýyq zańsyz alkogol ónimderin elge kirgizbedi, 500 kg qymbat baǵaly muzdalǵan balyqtardy elden shyǵarmaı alyp qaldy.
«Merke» tekserip-ótkizý pýnkitinde kórshi elden 10 tonnaǵa jýyq úırek tósin alyp kirmek bolǵan qazaqstandyqty ustady.
Teńiz shekarashylary «Almaty», «Atyraý», «Kógershin-650» shekaralyq katerlerimen jalpy kólemi 2100 metr aý taýyp, qaýipsizdendirip, júzdegen kg bekire tuqymdas balyqtar men tıýlenderdi qutqaryp qaldy. Memleketke 1 732 150 teńge kóleminde shyǵyn keltirýdiń aldy alyndy.
