Jýrnalıst «urlana» jazdady
Beısenbi, 25 qazan 2012 7:15
Jomarttyq dep osyny aıt!
Amerıkalyq bıznesmen Djon A.Polson Nıý-Iorktiń ortalyq saıabaǵynaqaıyrymdylyq retinde 100 mıllıon dollar berdi. Saıabaqtyń resmıókiliniń aıtýynsha, bul saıabaq tarıhyndaǵy eń qomaqty syılyq bolyptabylady.
Beısenbi, 25 qazan 2012 7:15
Jomarttyq dep osyny aıt!
Amerıkalyq bıznesmen Djon A.Polson Nıý-Iorktiń ortalyq saıabaǵynaqaıyrymdylyq retinde 100 mıllıon dollar berdi. Saıabaqtyń resmıókiliniń aıtýynsha, bul saıabaq tarıhyndaǵy eń qomaqty syılyq bolyptabylady.
Djon A.Polson – Nıý-Iorktiń jergilikti turǵyny. Ol ortalyq saıabaqty óziniń otbasy músheleri demalatyn tarıhı oryn dep esepteıdi. Onyń ájesi men atasy 1920 jyldary osy saıabaqta tanysyp, birge qydyrǵan eken. Keıin ájesi Djon Polsonnyń anasymen, al odan soń onyń áke-sheshesi de Polsondy osy saıabaqta qydyrtypty. Saıabaq Nıý-Iorktegi Manhetten aýmaǵynda ornalasqan, aýmaǵy 3,4 sharshy shaqyrymnan asady.
Tuńǵysh prezıdenttiń uly bosatyldy
Grýzııa prezıdenti Mıhaıl Saakashvılı eldiń tuńǵysh prezıdenti ZvıadGamsahýrdııanyń ulyna raqymshylyq jasady. Sote Gamsahýrdııa budanbirneshe jyl buryn adam óltirýge nıettendi dep aıyptalyp, sottalǵanbolatyn.
Jergilikti aqparat quraldarynyń jazýynsha, Sote Gamsahýrdııaǵa búkil Grýzııa katolıkos patrıarhy Ilıa ekinshiniń ótinishimen raqymshylyq jasalǵan sııaqty. Onyń ústine ol túrmede aýrý juqtyrǵan kórinedi. Tuńǵysh prezıdenttiń uly tutqyndalǵanǵa deıin grýzııalyq oppozısııamen tyǵyz baılanysta bolǵan. Sondaı-aq ol Reseıdiń arnaıy qyzmet organdarymen birlesip, Grýzııada tóńkeris jasaýǵa daıyndalǵan degen málimetter de bar.
Atysty toqtatýǵa kelisti
Sırııa bıligi men kóterilisshiler musylman qaýymynyń ulyq meıramy –Qurban aıt kúnderi qarsylyqty toqtata turýǵa kelisti. Bul jóninde Sırııajanjalyn retteý jónindegi halyqaralyq ókil Lahdar Brahımı málimdedi.
Onyń sózine qaraǵanda, Sırııa úkimeti Qurban aıttyń úsh kúninde atysty toqtatýǵa kelisken. Sondaı-aq, kóterilisshilerdiń basym kópshiligi onyń usynysyn qabyldaǵan. Keıbir aqparattar boıynsha, sırııalyq oppozısııa kúshteriniń birqatar basshylary Brahımıge óz ornynan ketýdi jáne bitimgershilik mıssııanyń sátsizdikke ushyraǵany týraly málimdeýdi usynǵan. Dıplomat budan bas tartypty.
500 mıllıon dollar tóleıdi
Kýveıt bıligi 1990 jyly ıraktyqtar basyp alǵan ushaqtary úshin resmı Baǵdad tóleıtin qarjy mólsherine qatysty kelisimdi bekitti. Ol – 500 mıllıon dollar.
Bul kelisim 22 jyldan beri Irak pen Kýveıt arasynda basylmaı kele jatqan daýǵa núkte qoıady. Aıta keteıik, 1990-1991 jyldary Saddam Hýseınniń áskerleri Kýveıtke shabýyl jasaǵan kezde, 10 ushaǵy men oǵan qajetti qosalqy bólshekterin basyp alǵan edi. Kýveıt buǵan London soty arqyly qol jetkizdi.
Jýrnalıst «urlana» jazdady
Qyrǵyzstannyń «Besinshi arna» aqparattar qyzmetiniń jýrnalısin qalyńdyq retinde «urlap» ketpek boldy. Bul jóninde atalǵan telearna aqparattar qyzmetiniń shef-redaktory Dmıtrıı Lojnıkov jergilikti basylymdarǵa habarlady.
Zorlyqpen «urlap» ketpek bolǵan jýrnalıstiń aty – Aınur. Oqıǵa keshe túnde bolǵan sııaqty. Keıin anyqtalǵanyndaı, Aınur Ismaılovany urlaǵan «Atameken» partııasynyń depýtaty Shyryn Aıtmatovanyń kómekshisi eken. Depýtat kómekshisiniń bul áreketin qoldamaıdy.
Qysqa qaıyryp aıtqanda:
Vladımır Pýtınniń jarlyǵymen Reseıdiń NATO janyndaǵy turaqtyókildigine Vladımır Glýshko taǵaıyndaldy.
Keshe Kıevtiń «Borıspol» áýejaıynda memlekettik kúzet qyzmetinińburynǵy ofıseri Nıkolaı Melnıchenko ustaldy.
Izraıldiń áýe qorǵanys kúshteri Gaza sektoryn eki márteatqylady. Opat bolǵandar bar.
Halyqaralyq kredıtorlar Grekııa bıýdjetin turaqtandyrý úshin taǵy31,5 mıllıard eýro bólýge kelisti.
Internet materıaldary negizinde ázirlendi.
