Aksııanyń ashylýynda sóz alǵan oblys ákimi Danıal Ahmetov táýelsiz Qazaqstannyń jetken jetistikteri Tuńǵysh Prezıdent - Elbasy esimimen tyǵyz baılanysty ekendigin aıtyp: «Elbasyna qandaı qurmet kórsetsek te laıyq. Elordamyzdyń jańa ataýy – Nur-Sultan – eldiń tilegi, halyqtyń nıeti. Prezıdent Qasym-Jomart Toqaevtyń bas qalamyzdyń ataýyn Nur-Sultan dep aýystyrý týraly bastamasy oblys halqy tarapynan qyzý qoldaý tapty. Jer-jerlerde turǵyndar osy sheshimdi jaqtap, quptap, shynaıy peıilderin bildirýde», - dedi.
Aksııaǵa qatysqan Olımpıada chempıony, jeńil atlet Olga Rypakova Elordanyń jańa ataýyn qoldaıtynyn, Elbasynyń sport salasyna árdaıym erekshe kóńil bólip otyratynyn tilge tıek etip, Olımpıadaǵa attanar aldynda barlyq sportshylardy jınap aq batasyn bergen sátin eske aldy. «Tuńǵysh Prezıdenttiń qabyldaýyna barǵanda erekshe tolqydym. Biraq kezdesýdiń basynda-aq ol kisi bárimizdi baýrap aldy, emen-jarqyn áńgime órbittik, burynnan tanys adamdardaı sóılesti bizben. Sol kezdesýden men aıryqsha shabyttanyp shyqtym, Nursultan Ábishuly qolymdy qysyp turyp, maǵan tolyq senetinin aıtty, zor tabysqa jetýimdi tiledi. Sol kezde boıyma daryǵan kúsh-qýat maǵan chempıon bolýǵa kómektesti. Ol sátti eshqashan umytpaımyn. Elorda ataýynyń Nur-Sultan bolyp aýysqany – durys sheshim. Tolyq quptaımyn» – dedi ol.
Semeılik aqyn, kompozıtor Qusmilııa Nurqasym astananyń jańa ataýyn Elbasynyń uzaq jyldar boıy eline sińirgen ólsheýsiz eńbegine halqy tarapynan berilgen laıyqty baǵa, alǵys retinde qabyldaıtynyn jetkizdi. Aksııa jergilikti kórkemónerpazdar ázirlegen konsertpen aıaqtaldy.
Osy kúni shahardaǵy «Qazsınk» jáne «ÚMZ» sekildi iri óndiris ornynyń eńbekkerleri de patrıottyq aksııaǵa ún qosty. «Qazsınk» jumysshylary Astana qalasy ataýynyń Nur-Sultan bolyp ózgertý jónindegi mańyzdy sheshimdi biraýyzdan qoldaıtyndaryn aıtty. «Tuńǵysh Prezıdent Nursultan Nazarbaev О́skemenge kelgen ár saparynda kásipornymyzǵa at basyn buryp, qarapaıym eńbek adamdarymen tildesip, qal-jaǵdaılaryn bilip turýdy dástúrge aınaldyrǵan. Elbasy prezıdenttik ókilettigin toqtatsa da, saıasatta qala bermek, ol árdaıym halqymen, bizben birge», – dedi kompanııanyń bas ekology Vadım Kýshnarev. «Nursultan Ábishuly – bizder úshin metallýrg, qarapaıym halyqtan shyqqan eńbek adamy bolyp qala beredi», – dep túıindedi sharany «Qazsınk» JShS ákimshilik máseleler jónindegi atqarýshy dırektory Andreı Lazarev.
Jıyn sońy shaǵyn konsertke ulasyp, jumyskerler aldynda óńirimizge tanymal ánshiler Iýlııa Iýrochkına, Qaırat Maıjarov, Asqar Altaev, Ravhat Baqythanov jáne «Ladýshkı» ansambli óner kórsetti.
Qaladaǵy Úlbi metallýrgııalyq zaýytynyń jumysshylary da patrıottyq aksııadan qalys qalmaı, óz pikirlerin bildirdi. «Nursultan Nazarbaev – álem tanyǵan sarabdal saıasatker. Onyń eli úshin jáne búkil adamzat úshin atqarǵan eńbegi eren», – dedi «ÚMZ» AQ basqarma tóraǵasynyń birinshi orynbasary Sergeı Bejeskıı. О́ndiris ornyndaǵy aksııa da án shashýǵa ulasty. Bul jerde óńirimizge tanymal «Inkoro», «Ińkár», «Non-stop» toptary óz ónerlerin pash etti. Jıynǵa 1 myńnan astam zaýyt jumysshysy qatysty.
Azamat QASYM,
«Egemen Qazaqstan»
О́SKEMEN
