Attestattaýdyń arqaýy
Senbi, 29 jeltoqsan 2012 7:19
«100 myńnan astam adamnan 12,5 myń adam attestattaýdan ótpeı qaldy jáne organdardan bosatyldy».
Qazaqstan Prezıdentiniń «Qazaqstan-2050» Strategııasy – qalyptasqan memlekettiń jańa saıası baǵyty» atty halyqqa Joldaýynan.
Senbi, 29 jeltoqsan 2012 7:19
«100 myńnan astam adamnan 12,5 myń adam attestattaýdan ótpeı qaldy jáne organdardan bosatyldy».
Qazaqstan Prezıdentiniń «Qazaqstan-2050» Strategııasy – qalyptasqan memlekettiń jańa saıası baǵyty» atty halyqqa Joldaýynan.
«Áleýmettik-ekonomıkalyq jańǵyrtý – Qazaqstan damýynyń basty baǵyty» atty halyqqa Joldaýynda Elbasy N.Nazarbaev quqyq qorǵaý júıesindegi kadrlyq jańartý máselesine aıryqsha toqtalǵany belgili. Prezıdent «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jarlyǵyna qol qoıdy. Atalǵan qujattyń túsiniktemesinde kezekten tys attestattaýdyń basty maqsaty men tapsyrmalary týraly aıtyldy. Ondaǵy basty mindet – qoǵam men bıznestiń qajettiligine jaýap bere alatyn, zaman talabyna saı quqyq qorǵaý júıesine kadrlar ózegin qalyptastyrý. Sonyń arqasynda teris qylyqtarymen kózge túsken, memlekettik qyzmetke kezdeısoq kelgen laýazymdy tulǵalardan arany tazartý, quqyq qorǵaý organdary qataryna kásibı biliktiligi joǵary, ar-namysy bar azamattardy suryptap, qoǵam tynyshtyǵyna jaýapty salanyń kadr saıasatyna sapaly oń ózgerister engizip, olarǵa degen halyqtyń senimin arttyrý boldy.
Árıne, bul júrgizilgen kezekten tys attestattaý da quqyq qorǵaý salasyndaǵy reformanyń jalǵasy ekendigi belgili. Osy jumystyń tıimdiligin arttyrýǵa baǵyttalǵan biraz qadamdar jasaldy: zańdarǵa ózgerister engizildi, árbir organnyń mindeti aıqyndaldy, buryndary kez kelgen organ júrgizetin ister bir júıege keltirildi, qylmystyq zańnama izgilendirildi, materıaldyq-tehnıkalyq ahýal joǵarylady. Sóıtip, barlyq quqyq qorǵaý organdarynyń jeke quramnyń sapaly jańarýyna Joǵary, ortalyq jáne óńirlik attestattaý komıssııalary jete nazar aýdaryp, qorytyndysy da shyǵaryldy. Alǵashqy kezeńde barlyq quqyq qorǵaý organdarynyń joǵary laýazymdy tulǵalary attestattaýdan ótti, odan keıingi kezeń ortalyq jáne úshinshi kezeńde aımaqtyq organdar qyzmetkerleri attestattaýdan ótti. Bul oraıda Memleket basshysy elimizdiń quqyq qorǵaý júıesi qyzmetiniń tıimdiligin arttyrýǵa baǵyttalǵan kezekten tys attestattaýdyń mańyzdylyǵyn atap ótti. Attestattaý qorytyndysy boıynsha, quqyq qorǵaý organdary qyzmetkerlerin áleýmettik qamsyzdandyrýdy edáýir jaqsartý jáne eńbekaqylaryn aıtarlyqtaı arttyrý máselesi qarastyrylatyn bolady, dedi. Sonyń aıǵaǵyndaı, jańa Joldaýda Elbasy quqyq qorǵaý organdary qyzmetkerlerin aqshalaı qamtamasyz etý jáne zeınetaqymen qamsyzdandyrý deńgeıin arttyrý jónindegi is-qımyl josparyn daıyndaý kerektigin tapsyramyn, dedi.
Munyń bári kezekten tys júrgizilgen attestattaýdyń mańyzdylyǵyn kórsetedi. Halyqaralyq tájirıbeni taldaýdy eskere otyryp, attestattaýdyń úsh deńgeıli satysy anyqtaldy.
Kezekten tys attestattaýdyń negizgi maqsaty – quqyq qorǵaý organdary qyzmetkerleriniń kásibı, áskerı jáne dene shynyqtyrý daıyndyǵynyń deńgeıin tekserý, óz qataryn quzyretti emes qyzmetkerlerden jáne moraldyq-adamgershilik sıpaty tómen, sybaılas jemqorlyq kórinisterine jáne ózge de teris qylyqtarǵa beıim adamdardan tazartý. Árbir attestattalatyn adam boıynsha kadrlyq sheshim áńgimelesý nátıjeleri boıynsha derbes qabyldandy, onyń barysynda qyzmet ótkerý, testileýden ótý, kásibı jaramdylyqqa arnalǵan normatıvterdi tapsyrý nátıjeleri jáne arnaıy tekserý materıaldary taldaldy.
Joǵary attestattaý komıssııasynan 368 basshy attestattaýdan ótse, onyń qorytyndylary boıynsha olardyń ár besinshisine qatysty teris sheshim shyǵaryldy, al joǵary laýazymdaǵy 28 qyzmetker attestattaýdan ótýden bas tartýyna baılanysty qyzmetten bosatyldy. Osylaısha quqyq qorǵaý organdarynyń joǵary basshylyq quramy úshten bir bóligine jańardy. Al Ortalyq attestattaý komıssııalary 4 971 qyzmetkerdi attestattaýdan ótkizip, olardyń ishinde 879-y, ıaǵnı 15 paıyzy attestattaýdan ótpeı, 257-si jumystan shyǵaryldy. 411-iniń laýazymy tómendetildi, munyń barlyǵy sala qyzmetkerleriniń kásibı jaramdylyq deńgeıin tekserip, maman emes qyzmetkerlerden, sybaılas jemqorlyq kórinisterine jáne ózge teris áreketterge beıimdelgen, adamgershilik sıpaty tómen adamdardan tazartý maqsatynda júzege asty. Sondaı-aq, joǵarydaǵydaı attestattaý barysy oblystar men aýdandarda júrgizilip, nátıjesinde kezekten tys attestattaý quqyq qorǵaý organdarynyń kadrlyq rezervin kóp satyly jáne irikteýdiń qatań rásiminen ótken adamdardyń qatarynan jańartýǵa múmkindik berdi.
Aleksandr TASBOLATOV,
«Egemen Qazaqstan.
