Is-sharaǵa ýnıversıtettiń ustazdary men shákirtteri, tarıhshy-ǵalymdar men buqaralyq aqparat quraldarynyń ókilderi qatysty. Jıynda ýnıversıtettiń prezıdenti B. Ábdirasylov Memleket basshysy Qasym-Jomart Toqaevtyń Astana qalasynyń ataýyn ózgertýge qatysty óz pikirin bildirip, onyń tarıhı sheshim ekenin atap ótti. Sondaı-aq el jáne Elbasy, elordanyń búgini men erteńi jaıly oqý ornynyń ardageri, professor S.Sadyqov pen dosent Asyly Shengýn sóz sóılep, eldiń kóshin bolashaqqa bastaǵan N.Nazarbaevtyń sarabdal saıasatynyń jemisi jóninde baıandama jasady. Jas urpaqty qazaqtyń jaqsylary salǵan sara joldyń izin jalǵap, eldiń irgesin bekem ustaıtyn patrıottyq qasıetin máńgi bıik ustaýǵa shaqyrdy.
Is-shara sońy konserttik baǵdarlamaǵa ulasyp, «Atameken» ult aspaptar folklorlyq ansambli Qurmanǵazynyń «Adaı» kúıin oryndady. Al Sıǵvadolla Ǵarıfollauly Elbasyǵa arnaýyn aıtyp, «Bı sultan» bı ansambli «Dala rýhy» bıin oryndady. Ýnıversıtettiń ózge de ónerpazdary patrıottyq ánderimen kórermenderdiń yqylasyna bólendi.
