«Oblystyq densaýlyq saqtaý basqarmasy basshylarynyń resmı derekterine sáıkes juqpaly aýrý aýrýhanalarynda Tarhýn, Citro gazdalǵan sýsyndardy jáne energetıkalyq sýsyndardy ishkennen keıin ýlaný faktileri tirkelgen joq. Buǵan qosa taratylǵan aqparatta Keden odaǵynda sýsyndar men kondıter ónimderin óndirýge ruqsat etilgen taǵamdyq qospalar qospalar kórsetilgen», dep atap ótti komıtet.
Vedomstvonyń málimetinshe, negizinen árbir boıaǵysh úshin ónimderdiń quramynda bolatyn normalary bekitilgen. «Al taratylǵan aqparatta boıaǵysh kórsetkishi ruqsat etilgen deńgeıden asyp ketkeni týraly málimet kórsetilmegen. Tyıym salynǵan boıaǵyshtar bar azyq-túlik ónimderi týraly aqparat negizinen beıresmı ınternet-resýrstardan alynǵan.
Sonymen qatar Densaýlyq saqtaý mınıstrliginiń Densaýlyqty saqtaý komıteti aýmaqtyq departamentteriniń basshylaryna kórsetilgen azyq-túlik ónimderin saraptama júrgizý úshin irikteýge tapsyrma berildi», dedi vedomstvodan.
Esterińizge sala keteıik, WhatsApp jelisi arqyly mektep oqýshylarynyń ata-analary arasynda: «Qurmetti ata-analar! Mektep ınfeksııalyq jansaqtaý bóliminde bala qaıtys bolǵanyn eskertedi. Demalys kúnderi ol tarhýn (shynyda) ishedi. Bılırýbın, ýyttaný, 2 kún komada bolyp, janynyń aman alyp qalýǵa múmkindik bolmady. Balalarmen sóılesińizder, túsindirińizder! Qazir Sıtro ishken taǵy bir qyz bar (shyny, marka esimde joq), juma kúnnen bastap kapelnısa astynda. Dáriger aıtyp ótkendeı, energetık sýsyndaryn ishkennen keıingi nátıjelermen jarty bólimshe jatyr. Aqparatty taratyńyzdar jáne balalarǵa eskertińizder!», degen mátindegi jalǵan habarlama taraǵan.
