Aımaq basshysy Qumar Aqsaqalov bul baǵytta naqty jumystar júrgizilip, barlyq qyzmetter joǵary daıyndyq rejımine kóshkenin atap ótti. Kóktemgi sý tasqynyn eńserýge 1400 adam, 730 tehnıka men 353 motopompa jumyldyrylatyn bolady. Byltyr sý ótkizgish 20 qubyr salynsa, bıyl taǵy 27-si iske qosylady. Eldi-mekenderden 800 myń tonnaǵa jýyq qar shyǵarylyp, avtojoldarda 2 myń qubyr tazartyldy.
Qumar Irgebaıuly aýyldardaǵy barlyq úılerdi tekserýge tapsyrma berdi.
«Birde-bir baspana nazardan tys qalmaýy tıis. Kóshe boılaryndaǵy qardy syrtqa shyǵarý jaıy qanaǵattandyrmaıdy. Kún kúrt jylysa, qarǵyn sýdyń qaýpi eselene túsetinin eskerińizder. Sondyqtan sý basý qaýpin seıiltýdiń barlyq múmkindikteri qarastyrylýy qajet», dedi ol.
Oblys ortalyǵyndaǵy shetkeri yqsham aýdandarda sýdy sorý jumystaryna birqatar syn aıtyldy. Kárizdik júıe tek ortalyq kóshelerde ǵana tazartylǵan. Jeke kásiporyndarmen kelisim-shartqa otyryp, olardy tartý qajettigi atap kórsetildi . Memlekettik jáne bıýdjettik uıymdardyń aýmaqtarynda da qar barshylyq. Qar shyǵarý jumystaryna qosymsha kúshterdi tartýdy tapsyryldy.
О́mir ESQALI,
«Egemen Qazaqstan»
Soltústik Qazaqstan oblysy
