Ulttyq rýhanııatty ulyqtaǵan mınıstr

Jarqyn da jyly beınelerge qarap otyryp, ótken ǵasyrdyń dál ortasynda, naqty aıtar bolsaq 1955 jyldary omyraýynda respýblıka Joǵarǵy Keńesi depýtatynyń belgisi bar QazKSR Mádenıet mınıstri Ilııas Omarovtyń ulttyq ónerimizdiń abyroıyn asyryp, búkil Odaqqa tanymal maıtalmandardyń sýret kórmesin uıymdastyrǵany esimizge túsedi. 

Sýretten kórip otyr­ǵan­daryńyzdaı, olardyń ara­synda zańǵar jazýshy, Le­nındik syılyqtyń ıegeri Muh­tar Áýezov, talantty aqyndar Ábdildá Tájibaev pen Dıqan Ábilovti anyq baı­qaýǵa bolady. Álbette, uly Muqańdardyń beı­ne­sin bolashaq umyta qoımas, másele osynaý tul­ǵa­lar­dyń talantyn tap basyp ta­nyp, shyǵarmashyl jan­dar­­dyń shyndyq úshin shy­ryldaǵan boztorǵaı únin birden túsinetin Ilııas aǵa Omarovtaı bılik ókiliniń beınesi men berekeli isterin búgingi jas­tarǵa úlgi etkimiz keledi.

«О́mirde kreslony kór­keıtetin adamdar bola­dy, kreslo arqyly ózin kór­keı­tetin adamdar bolady» dep Sosıalıstik Eńbek Eri Ǵabıt Músirepov baǵalaǵandaı, Ilııas aǵa mınıstr kreslosyn kórkeıtip, has talanttardy únemi tanyp, qoldap otyrǵan. Araldyń qum basqan shóldi aýylynda týyp, shuraıly shy­ǵarma jazyp júrgen jas talap Zeınolla Shúkirovtiń jyr joldaryn baspasóz betterinen tamsana oqyǵan boıda Qyzylordadaǵy Asqar Toqmaǵambetovke qońyraý shalyp: «Osy balaǵa kóz qyryńdy sala júrgeısiń!» deýiniń ózi nege turady? Syrly sýretke zer salǵan saıyn, Ilııastaı aza­mattardyń alash balasyna degen aqjoltaı jyly tilek­terin ishteı sezinip, tereń oıǵa shomasyń...

Qajy QORǴANULY,

Qazaqstannyń eńbek sińirgen mádenıet qaıratkeri