О́ŃIRLIK MÁSELE О́ZEKTI DE MAŃYZDY

Keshe Parlament Senatynyń Tóraǵasy Qasym-Jomart Toqaevtyń qatysýymen “О́ńir” depýtattyq tobynyń kezekti otyrysy bolyp ótti. Sondaı-aq otyrysqa Premer-Mınıstrdiń birinshi orynbasary О́mirzaq Shókeev, “Nur Otan” HDP hatshysy Sergeı Gromov, Parlamenttegi ókildikter basshylary men Senat apparaty jáne Premer-Mınıstr Keńsesiniń jaýapty qyzmetkerleri qatysty. Aldymen sóz alǵan Senat Tór­aǵasy daǵdarystan keıingi álemde múmkindikti durys paıdalanyp, reforma jasaýda belsendi is-áre­ketter jasaǵan elder ǵana basym jaǵdaıǵa ıe bolady degendi erekshe aıtty. Qasym-Jomart Kemeluly: “Prezıdent usynǵan 2020 stra­te­gııa­lyq josparyn iske asyrý Qa­zaqstanǵa damyǵan elderdiń al­dyń­ǵy qatarynda bolýǵa jáne ke­leshekte bolýy múmkin synaqtarǵa tótep berip, barsha qazaqstan­dyq­tardyń ıgiligine qyzmet etetin or­nyqty ekonomıkany qurýǵa múm­kindik beredi”, dedi. Osy stra­te­gııalyq baǵyt memlekettiń barlyq deńgeıdegi organdarynyń belsene atsalysýyn jáne barsha qazaq­stan­dyqtardyń qoldaýyn talap etedi. Spıkerdiń aıtýynsha, jumyla jumys isteýdiń arqasynda ǵana elimizdiń jańa ekonomıkalyq órleýin qamtamasyz ete alamyz. Prezıdenttiń senimdi tiregi bolyp tabylatyn “Nur Otan” partııasy úshin bul baǵdarlamany oryndaý onyń jumysynyń basty ózegine aınalýy tıis. “О́ńir” depýtattyq toby partııamen birlesip alǵa qoı­yl­ǵan barlyq mindetterdiń oryn­da­lýyna, sonyń ishinde qarajattyń paıdalanylýyna baqylaýdy qam­ta­masyz etýge, kásipkerlerdiń jáne tutastaı alǵanda halyqtyń naqty prob­lemalaryna nazar aýdaryp, ony sheshýdiń ońtaıly júıesin qurýǵa tikeleı atsalysýy qajet. Senat Tóraǵasy: “Keden odaǵy biz­diń Prezıdentimizdiń ıntegrasııalyq ıdeıasyn naqty júzege asyra bas­tady. Degenmen, ıntegrasııa bireý­lerge paıda ákelip, ekinshilerine zııan shektirmeýi tıis. Integrasııa – ol eki jaqqa da tıimdi qubylys, jáne uzaq merzimdi múddelerdi ózara eseptesýdiń jemisi”, dep onyń ma­ńyzyn ashyp berdi. Memleket bas­shysynyń strategııasynda kórsetil­gen mindetterdi júzege asyrýǵa jáne el ekonomıkasyn damytý úshin jaǵdaı qalyptastyrýǵa aıtarlyqtaı qadam jasaldy”, dedi Qasym-Jomart Kemeluly. “О́ńir” depýtattyq tobynyń ót­ken jylǵy jumystary týraly onyń jetekshisi senator Ermek Jumabaev baıandap berdi. Top jetekshisiniń aıtýynsha, “О́ńir” depýtattyq toby 2009 jyly óńirlik damý salasyn­da­ǵy zańnamalardy jetildirý, son­daı-aq durys ári birkelki qoldaný jónindegi usynystardy ázirleý baǵytynda birqatar sharalar ót­kiz­gen. Sonyń nátıjesinde Úkimetke jáne ortalyq memlekettik organ­dar­ǵa birqatar usynymdar ázirlenipti. Memlekettik organdardaǵy óńir­lerdi damytý máseleleri jó­nin­degi depýtattyq saýaldardy qaraý qorytyndylary týraly Agrarlyq máseleler jáne qorshaǵan ortany qorǵaý komıtetiniń hatshysy Qýa­nysh Aıtahanov habardar etti. Otyrysqa qatysqan Premer-Mınıstrdiń birinshi orynbasary О́mirzaq Shókeev byltyr Úkimet tarapynan qabyldanǵan sharalarǵa keńinen toqtaldy. О́mirzaq Es­taı­uly ótken jyldyń ekinshi jarty­sy­nda daǵdarystan shyǵý jolyn­daǵy eleýli ózgerister bolǵanymen, Amerıka, Reseı jáne Eýrazııa mem­leketterindegi ekonomıka birshama tómendegendigin tilge tıek etti. El­ba­sy saıasatynyń arqasynda eldegi jaǵdaı oń qalyptasqan. Atap aıt­qanda, bank júıesiniń turaqtylyǵy men jumyssyzdyq deńgeıiniń saq­talyp qalýy, úleskerler másele­si­niń birtindep sheshile bastaýy jáne halyq turmysynyń tómendemeýine jol bermeý sııaqty máseleler óz sheshimderin taýypty. Sondaı-aq Úkimet basshysynyń birinshi oryn­basary qazirgi kezde atqarylyp jat­qan depýtattyq saýaldar boı­yn­sha aıta kelip, senatorlardyń suraqtaryna jaýap berdi. Derek kózi: Asqar TURAPBAIULY.