Úkimet • 30 Naýryz, 2019

Áleýmettik tólemder mólsheri 1 sáýirden bastap qalaı ózgeredi

1748 ret kórsetildi

Eńbek jáne halyqty áleýmettik qorǵaý vıse-mınıstri Svetlana Jaqypova Rrimeminister.kz-ge bergen eksklıýzıvti suhbatynda 2019 jyldyń 1 sáýirinen bastap ataýly áleýmettik kómek (AÁK) kólemi qalaı ózgeretinin aıtyp berdi.

Tuńǵysh Prezıdent – Elbasy Nursultan Nazarbaev 27 aqpanada ótken «Nur Otan» partııasynyń sezinde kóp balaly otbasylar men az qamtylǵan qazaqstandyqtardyń turmys sapasyn jaqsartý boıynsha birqatar tapsyrmalar berdi. 

Tuńǵysh Prezıdent – Elbasynyń tapsyrmalaryn iske asyrý úshin Eńbek jáne halyqty áleýmettik qorǵaý mınıstrligi ataýly áleýmettik kómek týraly zańǵa ózgerister engizý týraly zań jobasyn ázirledi, onda balalar úshin ataýly áleýmettik kómektiń belgilengen krıterııden tómen emes kólemde kepildendirilgen tólemin engizý qarastyrylǵan.

Eger qazirgi tańda kedeılik shegi eń tómengi kúnkóris deńgeıinen 50% deńgeıinde aıqyndalyp, 14 849 teńgeni (shamamen 40 dollar) qurap otyrsa, Elbasy tapsyrmasy boıynsha kedeılik shegi eń tómengi kúnkóris deńgeıinen 50%-dan 70%-ǵa deıin kóteriledi jáne 20 789 teńgeni quraıtyn bolady.

Buıryq Ádilet mınıstrliginde tirkelgen. Ol 1 sáýirden bastap kúshine enedi.


Osylaısha, ataýly áleýmettik kómek kórsetý úshin krıterıı 1 sáýirden bastap ómir súrý deńgeıi joǵary bolǵandyqtan, ataýly áleýmettik kómek kórsetý krıterııi joǵarylaıtyn Nur-Sultan, Almaty qalalary men Mańǵystaý oblysynan basqa barlyq óńirlerde 20789 teńgege deıin arttyrylatyn bolady.

Budan basqa, atalǵan zań jobasymen osy qyzmetti kórsetý prosedýrasyn ońtaılandyrý da qarastyrylyp otyr. Vıse-mınıstrdiń aıtýynsha, eski erejeler boıynsha áleýmettik kómek kórsetý týraly ótinishke qosyp birqatar qujattar men anyqtamalardy: jeke basyn kýálandyratyn kýálikti, bank esepshotynyń nómiri týraly málimetterdi, balanyń týý týraly kýáligin, neke qııýdy tirkeý týraly kýálikti jáne t.b. tapsyrý kerek bolatyn. 

2019 jylǵy 1 shildeden bastap bul rásim jeńildetiledi: tek azamattyń jeke kýáligi men ótinishi kerek bolady. Jańa ereje boıynsha halyqqa qyzmet kórsetý ortalyqtary nemese aýyldyq okrýgter men kentterdiń ákimderi ótinim berýshiden qosymsha anyqtamalar suramaıtyn bolady, ony tek aqparattyq júıelerdi derekter bolmaǵan jaǵdaıda suraı alady.

«Qoǵamda atalǵan tólemdi alýǵa quqyly ekenińdi dáleldeý úshin kóptegen qujattar jınaý kerektigi týraly másele ylǵı kóteriletinin ańǵardyq. Sondyqtan qazir zań jobasynda memlekettik organdardyń aqparattyq júıelerinen qujattardyń elektrondy kóshirmelerin jınaý qarastyrylyp jatyr. Tıisinshe, otbasyna sáıkestendirý úshin jeke kýáligin jáne ótinishin tapsyrý jetkilikti», — dep túsindirdi S. Jaqypova.

Sonymen qatar Eńbek jáne halyqty áleýmettik qorǵaý mınıstrligi Tuńǵysh Prezıdent – Elbasynyń respýblıkalyq bıýdjetten otbasynyń jıyntyq tabysyn esepteý úshin qabyldanǵan birqatar tólemderin alyp tastaý boıynsha taǵy bir tapsyrmasyn pysyqtady. Olardyń ishinde — kóp balaly otbasyǵa arnalǵan arnaıy memlekettik járdemaqy, «Altyn alqa», «Kúmis alqa»-men marapattalǵan kóp balaly analardyń járdemaqysy, múgedek balaǵa tólenetin járdemaqy men shákirtaqylar bar. 

S. Jaqypova atap ótkendeı, jergilikti atqarýshy organdar kórsetetin qyzmetter balalary bar barlyq otbasylar úshin qoljetimdi bolýy tıis. Mysaly, eger otbasy qıyn jaǵdaıǵa tap bolsa jáne olardyń tabysy 20789 teńgeden tómen bolsa, onda ataýly áleýmettik kómek kórsetiletini túsinikti.  Al eger tabysy 20789 teńgeden artyq, biraq kóp balaly otbasy bolsa jáne oǵan da áleýmettik kómek qajet bolsa, onda bul otbasynyń qoǵamdyq kólikte balalardyń tegin júrýin qamtamasyz etý, 1 synyptan 4 synypqa deıin tegin tamaqtandyrý, mektep formasyn alýda qoldaý kórsetý, mektepke deıingi bilim uıymdarynda orynmen qamtamasyz etýde basymdyqpen quqyq berý sııaqty qyzmetterdi alýǵa quqyly bolýy kerek.

S. Jaqypovanyń aıtýynsha, Eńbek jáne halyqty áleýmettik qorǵaý mınıstrligi jergilikti atqarýshy organdarmen birlesip biryńǵaı áleýmettik paketti ázirledi, ol barlyq óńirlerde birdeı deńgeıde kepildendirilýi tıis. Mysaly, azamattardyń jekelegen sanattary úshin tegin jol júrý tek Nur-Sultan qalasynda qarastyrylǵan. Bul jeńildik basqa qalalarda da jasalýy úshin EHÁQM kórsetiletin qyzmetterdi bıýdjettendirý jáne kólemi máselelerin qaıta qarastyrýdy josparlap otyr.
Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar