Júlde qory 350 myń teńgeni quraıtyn aıtýly jarysta tek reıtıngi joǵary 40 oıynshy ǵana qatysa alady. Ol shveısarııalyq júıe boıynsha 9 raýnd boıynsha ótedi. 1-2 mamyrda rapıdten básekeler uıymdastyrylsa, 3 mamyrda blıs oıynynyń sheberleri sharshy taqtanyń janyna jaıǵasady. Osy básekege halyqaralyq arenada el namysyn qorǵap júrgen eń myqty shahmatshylarymyzdyń deni qatysady dep kútilýde.
Esterińizge sala keteıik, byltyrǵy jylǵy el birinshiligi Qaraǵandy qalasynda ótken bolatyn. Rapıdten erler arasynda ótken jarysta almatylyq Aıan Ahmetov jáne áıelder saıysynda elordalyq Ámına Qaıyrbekova aldaryna jan salmady. Al blıs básekesinde qaraǵandylyq Rýstam Hýsnýtdınov pen shymkenttik Krıstına Kım jeńimpaz atandy.
