Qazaqstan • 31 Naýryz, 2019

О́zbekstandaǵy Qazaqstan jylyna oraı 130 shaqyrymdyq velosherý ótti

1332 ret kórsetildi

Shymkent qalasynyń əkimdigi, qalalyq dene shynyqtyrý jəne sport basqarmasy men Shymkent qalasynyń Velosport federasııasynyń uıymdastyrýymen О́zbekstandaǵy Qazaqstan jylyna arnalǵan halyqaralyq velosherý ótti. Velomarafonǵa qatysýshylar Shymkent–Tashkent baǵyty boıynsha 130 shaqyrymdy júrip ótti. Igi dástúrge aınalǵan velosherý bıyl ekinshi ret ótkizildi.


Shymkent, Ál-Farabı alańy. Taǵy 07:45 saǵat. Bular velospıdetti janyna serik etkender. Olar úshin demalys - velosıped tizginine otyrý. Kózdegen jerine osy ekologııalyq zalalsyz kólik quralymen jetý. Ujymdasyp neshe júzdegen shaqyrymdardy baǵyndyrý.

 

Bul Shymkent qalasynyń əkimdigi, qalalyq dene shynyqtyrý jəne sport basqarmasy men Shymkent qalasynyń Velosport federasııasynyń uıymdastyrýymen О́zbekstandaǵy Qazaqstan jylyna arnalǵan halyqaralyq velosherý.  


Salaýatty ómir saltyn násıhattaǵan sharanyń ashylý rásimine Shymkent qalasy ákiminiń orynbasary Danat Jumın qatysyp,  velosportshylarǵa sáttilik tiledi.

«Shaharymyzda velosport jaqsy damyp keledi. Kún ótken  saıyn «Shymkent Bike» velosıpedterin paıdalanýshylardyń qatary arta túsýde. Qazirdiń ózinde qala kóshelerinde 39-dan astam  velostansııa jumys istep tur. Aldaǵy ýaqytta bulardyń qatary tolyǵatyn bolady. Osy retki sporttyq sharanyń kózdegeni de ekologııalyq zııany joq kólik túrimen azamattardy dostastyrý. Ári, qazaq-ózbek eki el qarym-qatynasyn sport, týrızm arqyly damyta túsýdi kózdeıdi», dedi Danat Jumın.                      


Atalǵan dostyq sherýine Almaty qalasynan arnaıy Velosport Federasııasynyń vıse-prezıdenti Raımbek Batalov qatysyp, velomádenıetti damytýda iri megapolısterde osyndaı is-sharalardyń jıi uıymdastyrylyp turǵany qýantatyndyǵyn jetkizdi.

Ári, ózi bas bolyp Tashkent qalasyna deıin sherýdi jalǵastyrdy.  


Start belgisinen 200-den astam veloshabandoz Tashkent qalasyna attandy. Velomarafonda TMD elderiniń 11 jastan 80 jasqa deıingi 200-den astam áýesqoı veloshabandozdary baq synady. 


Jarysqa qatysýshylardyń kóbisi tek áýesqoılar. Olar bos ýaqytynda qala syrtyna, iri halyqaralyq avtobandarda jattyǵý jasaıdy. Kúndelikti shahar ishindegi arnaıy velojoldarda júrýdi daǵdyǵa aınaldyrǵan.

 

Shymkenttiń shyǵa beris qaqpasy. Qatysýshylar jyldamdyqty bir qalypta ustap otyramyz deıdi.  Sebebi , uzaq baǵyttarda kúshti kezeń-kezeńimen bólip paıdalanady eken.


О́zderimen birge alyp júrgen qýatty taǵamdar men sýsyndardy velosıped tizgininde otyryp-aq azyq ete beredi. Sál kidirip, bosańsysa seriktesterinen qalyp qoıady. Ári, qyzyý qımyldaǵy babyn joǵaltyp alady, deıdi uıymdastyrýshylar.   


Velosherýdiń basty kórki qos adamdyq Tandemde boldy.   Bul - birinen keıin biri otyratyn birneshe nemese kóp jaǵdaıda eki adamǵa arnalǵan velosıped. Ádettegi tandemniń bir ramasy jáne eki dońǵalaǵy bar, alaıda ár adamnyń ózine tıesili velosıped meńgerigi, oryndyǵy jáne tepkisi bolady. Kóbine eki adamdyq tandemniń uzyndyǵy 240 sm bolsa, salmaǵy 15 - 20 kg - dy quraıdy. Eger, adam velosıpedti basqarmaǵan jaǵdaıda meńgerikti taıanysh retinde qoldanady. Eki adam da tandemniń tejeý júıesin basqara alady.

 

Jarys jolynyń 30 shaqyrymy. Jazyq jol bóliginde ýaqyttan utý úshin qarqynyn údete túsýde. 

Shymkent qalalyq mádenıet úıi" MKQK dırektory Samat Esbolov Qazyǵurt asýynda. Ekinshi jyl qatarynan Tashkent pen Shymkent arasyndaǵy  baǵytty baǵyndyrǵan. Demalys kúnderi velosportpen aınalysýdy janyna serik etken.

Byltyrǵy Qazaqstandaǵy О́zbekstan jylyna oraı ótken velosherýdiń uımdastyrýshylarynyń biri. 

Jarys jolynyń eń qıyn kezeńi. Qazyǵurt asýy. Shahardan shyqqan velosherýshiler osy asýdyń tóbesinde az kem dem basyp, qaıta velosıpetterine otyrdy. 


Velosportty jany súıetin qala turǵyny - Rixos Khadisha Shymkent qonaqúıiniń saýda jáne marketıng jónindegi dırektory Abdýlazız Iýldashev. «Qarbalas jumys kúnine qaramastan halyqaralyq sharaǵa qatysyp, bir belesti baǵyndyrýǵa keldim», deıdi.

 

Qazyǵurt aýdanynyń syrtyndaǵy Shymkent-Tashkent halyqaralyq avtojoly. 


Velomarafonǵa qatysýshylar Shymkent–Tashkent baǵyty boıynsha 130 shaqyrymdy júrip ótti. Igi dástúrge aınalǵan velosherý bıyl ekinshi ret ótkizildi.

Shymkenttegi Əl-Farabı alańynan bastaý alǵan velosherý Qazyǵurt, Saryaǵash aýdandaryn basyp ótip, «Jibek joly» keden beketi arqyly О́zbekstan Astanasy - Tashkent qalasyna kelip jetti.

 

Velomarafonǵa TMD elderiniń 11 jastan 80 jasqa deıingi 200-den astam áýesqoı veloshabandozdary qatysyp, qos el arasyndaǵy 130,6 shaqyrymdy 5 saǵat 24 mınýtta baǵyndyrdy.   


Jol boıy Tashkent turǵyndary dostyq sherýine zor qoshemet kórsetti. О́zbestandaǵy BAQ ókilderi men Tashkent qalasy ákimdiginiń baspasóz qyzmeti halyqaralyq is-sharaǵa aqparattyq qoldaý kórsetti


Finish-ke sanaýly sát qalǵan shaq. Velomarafonshylardy «Jibek joly» keden beketinen bastap, О́zbekstan jol kólik polıseıleri arnaıy Tashkenttiń ortalyq kóshelerimen bastap keledi. 


Tańmen talasa turǵan ýaqyt pen kúsh-jigerdiń ótelgen sáti. Jeńis dámin sezingen shaq.  


«Byltyr Qazaqstandaǵy О́zbekstan jyly baýyrlas qos eldiń eki jaqty qarym-qatynasynyń damı túsýine úlken sep boldy. Ataýly  jyl aıasynda 200-ge tarta shara uıymdastyryldy. 2018 jyly júzege asqan bul bastama taraptar arasyndaǵy túrli baǵyt boıynsha áriptestik ornatýǵa jol ashyp, bıznespen qatar, ǵylymı baılanysty arttyrýǵa kómektesti. Qos el shekarasyndaǵy kórshiles qalalardyń iskerlik baılanystary artyp, byltyr Shymkent qalasynda ótken bıznes-forýmda  eki eldiń týrızm baǵytynda jasalǵan jumystary qorytyndylandy. Sondaı-aq Ortalyq Azııanyń týrıstik ónimderin Reseı, Eýropa elderine shyǵarý jáne óńirge keletin saıahatshylar aǵynyn eseleý máseleleri talqylanǵan bolatyn. Atalǵan iskerlik qarym-qatynastardyń damýyna Elbasy Nursultan Nazarbaev pen О́zbekstan Prezıdenti Shavkat Mırzııaevtyń sińirgen eńbegi eren. Osy oraıda elshilik atynan barsha velomarafonshylardy О́zbekstandaǵy Qazaqstan jylymen jáne jeńisterimen quttyqtaımyn», dedi О́zbekstandaǵy Tótenshe jáne ókiletti elshi.

 

Velosherýshiler belgilengen meje Tashkent qalasyndaǵy Qazaqstan Respýblıkasynyń elshiligi ǵımaratynyń aldyndaǵy máre syzyǵyn kesip ótti. 


 Barsha qatysýshylardy elimizdiń О́zbekstandaǵy Tótenshe jáne ókiletti elshisi Darhan Satybaldy qarsy alyp, jeńimpazdardy marapattaldy.

 

Shymkent pen Tashkent arasynda týrızm men sportty janyna serik etken  sportshylar salaýatty ómir saltyn nasıhattap qana qoımaı, tarıhy tamyrlas memleketter arasyndaǵy máńgilik dostyq pen yntymaqtastyqty bekemdeı tústi.

 

Foto: Maqsat Shaǵyrbaev.



Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar