Tbılısı merııasy daıyndaǵan «Jasyl saıasat – ekokólik» jobasyna sáıkes Grýzııa kelesi jyly 200-ge jýyq elektravtobýs satyp almaq bolyp kelisimge keldi. Qazaqstandyq kásipkerlerdiń mundaı kólikti osy elde qurastyrý týraly usynysy otandyq ınvestorlar tarapynan qoldaýǵa ıe boldy. Grýzındik sarapshylar elektroavtobýsty qurastyrý jobasy eki jaqqa da tıimdi ekenin aıtady.
Biraq Grýzııa bul kólikti satyp alýy úshin básekelestikke qabiletti bolýy tıis degen pikirde.
«Qazaqstandyq tarap jobaǵa 10 mıllıon dollar qarjy salýǵa ázir. Grýzııa jyl saıyn kem degende 100 avtobýs satyp alýy kerek. Eldegi osy kólik túrine qajettilikti eskersek, bul san asa kóp emes. Jobanyń keleshegi de zor. Sebebi qazaqstandyq tarap 2 jyldan keıin óndiris oshaǵyn basqarýdy Grýzııaǵa berýge ázir», - deıdi Grýzııa parlamentiniń depýtaty Davıd Chıchınadze.
Grýzııalyq sarapshy Vahtang Charaıanyń pikirinshe Grýzııa elektroavtobýstardy shetelderden satyp alyp keldi. Sondyqtan bul jobanyń quny da, salmaǵy da mańyzdy.
«Mysaly, nemis avtobýsy 100 myń dollar bolyp, Grýzııada jasalatyn kólik 150 myń dollar tursa, bul Grýzııa úshin tıimdi dep oılamaımyn. Sondyqtan avtobýstyń quny men sapasyna kóp mán beriletin shyǵar», - deıdi Vahtang Charaıa.
Gúlbarshyn SABAEVA,
«Egemen Qazaqstan»
ALMATY
