Kompanııa qyzmetkerleri, enshiles jáne táýeldi kompanııa basshylary qatysqan is-sharaǵa QR Parlamenti Senatynyń depýtaty Bıbigúl Jeksenbaı, QR Parlamenti Májilisiniń depýtaty, Konstıtýsııalyq komıssııa múshesi Murat Ábenov jáne «Qazaq gazetteri» JShS bas dırektory, Konstıtýsııalyq komıssııa múshesi Dıqan Qamzabekuly Kezdesýde konstıtýsııalyq ózgeristerdiń negizgi baǵyttary týraly arnaıy shaqyrylǵan spıkerler baıandama jasady, . Kezdesýdi «Qazatomónerkásip» UAK» AQ basqarma tóraǵasy Meıirjan Iýsýpov ashyp, Konstıtýsııalyq reforma elimizdiń kemel keleshegi úshin qolǵa alynyp jatqanyn atap ótti.
«Búginde elimiz mańyzdy tarıhı kezeńniń aldynda tur. Konstıtýsııalyq reforma – zań ústemdigin nyǵaıtyp, bılik tarmaqtarynyń teńgerimin qamtamasyz etýge jáne azamattardyń quqyqtary men bostandyqtaryn qorǵaý kepildikterin kúsheıtýge baǵyttalǵan mańyzdy qadam», dedi.
Kompanııa basshysy óz sózinde Konstıtýsııa jobasyn ázirleý barysynda qoǵamnyń barlyq ókilderiniń pikiri eskerilgenin jáne keń aýqymdy saraptamalyq talqylaýlar júrgizilgenin atap ótti. Sondaı-aq, túrli salanyń mamandary, zańgerler men qoǵam belsendileri atsalysyp, azamattardan túsken usynystar da nazarǵa alynǵan.
Referendým-2026: Daýys berý ýchaskesin JSN arqyly qalaı tabýǵa bolady?
Minberge shyǵyp sóz sóılegen el aǵalary usynylyp otyrǵan ózgeristerdiń memleket basqarý júıesin jetildirýge, demokratııalyq ınstıtýttardy nyǵaıtýǵa jáne azamattardyń quqyqtary men bostandyqtaryn qorǵaý tetikterin kúsheıtýge baǵyttalǵanyn aıtty. Jańa Konstıtýsııa jobasy eldiń saıası júıesin jańǵyrtyp, qoǵamdyq qatynastardy odan ári damytýǵa yqpal etedi. Qujat qabyldanǵan jaǵdaıda, ol Qazaqstannyń quqyqtyq memleket retinde damýyna jańa serpin berip, qoǵamdaǵy turaqtylyq pen birlikti nyǵaıtýǵa yqpal etedi.
Referendým kezinde shalǵaıda júrgen azamattar qalaı daýys beredi?
Qadirli meımandar kezdesý sońynda 15 naýryz kúni ótetin respýblıkalyq referendýmǵa belsendi qatysýǵa shaqyryp, bul saıası oqıǵa eldiń bolashaǵyn aıqyndaıtyn tarıhı qadamdardyń biri ekenine toqtaldy.
Aıta keteıik, mundaı kezdesýlerdiń maqsaty – azamattardy konstıtýsııalyq ózgeristerdiń mazmunymen tanystyrý jáne ashyq pikir almasýǵa múmkindik jasaý.
