«Mendegi aqparatqa sáıkes, osy jyldyń basynan beri myńnan astam Qazaqstan azamaty Ońtústik Koreıadan óz erkimen elge oraldy. Deportasııalanǵandary da bar. Olardyń sany munan áldeqaıda kóp. Ázirshe derekter jarııa etilmeıdi. Bul operasııa jalǵasyp jatyr. Ol jaqta qalǵan Qazaqstan azamattary áli de barshylyq. Bizge qaıǵyly habarlar da kelip túsip jatyr. Sońǵy jarty jyldyń ishinde Ońtústik Koreıa aýmaǵynda zańsyz júrgen 7 azamatymyz qaıtys boldy. Jasy 30 ben 40-tyń arasynda, jap-jas jigitter», dedi Aıbek Smadııarov.
Osy rette resmı ókil olardyń neden qaza tapqanyn da aıtyp berdi. «Qara jumystan keshke úılerine sharshap kelip uıyqtaǵannan keıin tańerteń oıanbaı qalǵan. Olarda medısınalyq saqtandyrý joq, jumys istep jatqan mekemesimen kelisimsharty bolmaǵandyqtan eshqandaı quqyqtary joq. Týystary denesin elge jetkizetin kezde biraz qınaldy. Sebebi bir múrdeni Ońtústik Koreıadan elge jetkizýge 6-7 myń dollar qarajat ketedi», dedi ol.
