– UQK Shekara qyzmetine 7 myńnan asa, Qarýly Kúshter sapyna 13 myńdaı, Memlekettik kúzet qyzmetine shamamen 600-deı, Ulttyq gvardııaǵa 13 myńnan asa jas sarbaz qabyldanady, – dedi A.Kýkatov.
Kóktemgi shaqyrý naýqany qarsańynda Qorǵanys mınıstriniń qatysýymen qorǵanys isteri jónindegi departamentter jáne basqarmalardyń bastyqtarymen semınar ótkizilip, ózekti máseleler talqylanǵan.
–
Tyń ózgeristerdi eskere otyryp, shaqyrý barysynda zańnamalyq deńgeıde merzimdi áskerı qyzmetti ótkerýden jaltarýǵa tyrysatyn adamdar erekshe baqylaýǵa alynady. Sondaı-aq olardyń tarapynan shaǵymdy boldyrmaı shaqyrylýshylar jáne olardyń ata-analarymen sapaly uıymdastyrylǵan jumysty ótkizýge nazar aýdaryldy, – dep málimdedi Uıymdastyrý-jumyldyrý jumystary departamentiniń bastyǵy.
Qarýly Kúshter ókili shaqyrtý alǵanymen, áskerı-medısınalyq tekserýge kelmegenderge 5 aılyq eseptik kórsetkish kóleminde aıyppul salynatyndyǵyn da atap ótti. Sondaı-aq áskerden jaltarýǵa árekettengenderdi qylmystyq jaýapkershilikke tartý máselesi de júrgizilýde.
Sonymen qatar merzimdi áskerı qyzmetke azamattardy shaqyrý kezinde sybaılas jemqorlyq zańnamasy men minez-qulyq ádebin mindetti túrde saqtaý jóninde sharalar qarastyrylǵan.
Serik ÁBDIBEK,
«Egemen Qazaqstan»
