Álem • 02 Sáýir, 2019

​Lıssabonda Qazaqstannyń jańa kezeńdegi ekonomıkalyq dıplomatııasynyń tanystyrylymy ótti

355 ret kórsetildi

Portýgalııa Qazaqstandy strategııalyq áleýetti óńirindegi mańyzdy jáne senimdi áriptes retinde qarastyrady jáne jaqyn arada Saýda ekonomıkalyq ózara is-qımyldy belsendirý úshin ekonomıkalyq, saýda jáne tehnıkalyq yntymaqtastyq jónindegi úkimet aralyq kelisimge qol qoıýǵa daıyn ekenin bildirdi. Qazaqstan Respýblıkasy Syrtqy ister mınıstriniń orynbasary Roman Vasılenko men Syrtqy ister mınıstrliginiń Syrtqy saıasat jónindegi bas dırektory Pedrý Koshta Pereıromen kezdesýiniń negizi ózegi osy boldy. Bul týraly SIM baspasóz qyzmeti habarlady.

2019 jylǵy 1-2 sáýir aralyǵynda Lıssabonda Qazaqstan jáne Portýgalııa Syrtqy ister mınıstrlikteri arasyndaǵy kezekti saıası konsýltasııalar ótti.

Kezdesý barysynda taraptar saıası, saýda - ekonomıkalyq jáne mádenı - gýmanıtarlyq salalardaǵy qazaqstandyq - portýgaldyq yntymaqtastyqtyń búgini men erteńin talqylap, sońǵy jyldardaǵy ózara yqpaldastyqtyń oń dınamıkasyn atap ótti.

Budan ózge, ózekti halyqaralyq máseleler boıynsha tereń pikir almasý Qazaqstan men Portýgalııanyń ustanymdarynyń uqsastyǵyn anyqtady. Atap aıtqanda, olar Aýǵanstandy turaqtandyrýǵa jáne janjaldy jaǵdaılardy sheshýge járdem kórsetý jónindegi kúsh-jigerdi úılestirý boıynsha pikir almasty.

Taraptar QR Tuńǵysh Prezıdenti – Elbasy Nursultan Nazarbaevtyń Ortalyq Azııadaǵy jáne jahandyq aýqymdaǵy qaýipsizdik pen turaqtylyqty nyǵaıtýǵa qosqan erekshe tarıhı úlesin atap ótti.

Qazaqstan men Eýropalyq Odaq arasyndaǵy keńeıtilgen áriptestik pen yntymaqtastyq týraly kelisimdi tıimdi iske asyrýǵa, sondaı aq taraptardyń Ortalyq Azııa – Eýropalyq Odaq formatyndaǵy ózara is-qımylyna negizgi nazar aýdaryldy.

Portýgalııa SIM-niń Bas dırektory Lıssabonnyń elimizge halyqaralyq arenada odan ári qoldaýyn kórsetýge ázirligin bildirdi.

Kelissózderdiń mańyzdy taqyryby ekonomıkalyq dıplomatııa aıasyndaǵy yntymaqtastyqty jandandyrý boldy. Delegasııa basshylary kóliktik - tranzıttik salada «Beldeý jáne jol» bastamasy aıasynda úılestirýdi kúsheıtýge, JEK, AKT, ınnovasııa men ınjenerlik, jeńil óner kásip jáne týrızm sekildi áleýetti baǵyttar boıynsha ózara is qımyldy keńeıtý boıynsha sharalardy belsendirýge kelisti. Osy maqsatta jańa salalyq kelisimderdi jasasý arqyly kelisimdik quqyqtyq bazany odan ári keńeıtý áleýeti pysyqtaldy. Saýda ekonomıkalyq ózara is-qımyldy belsendirý úshin ekonomıkalyq, saýda jáne tehnıkalyq yntymaqtastyq jónindegi úkimet aralyq kelisimderdi jasasý jónindegi jumysty jedeldetýge qol jetkizildi, ol mańyzdy ınstıtýsıonaldy quraldy - úkimetaralyq komıssııa qurýdy kózdeıdi.

Sonymen qatar, eki eldiń isker toptary arasynda yntymaqtastyqty terendetýge jáne ózara tıimdi jáne básekege qabiletti jobalardy izdeýge yqpaldasatyn ınvestısııalyq bıznes forým ótkizýge taraptardyń qyzyǵýshylyǵy atap ótildi.

Sapar barysynda Portýgalııa tarapynan 50-ge jýyq qatysýshylardy jınaǵan Qazaqstannyń ınvestısııalyq ahýaly men ekonomıkalyq damýy týraly prezentasııa ótti, sondaı-aq Portýgalııanyń bıznes qoǵamdastyq ókilderimen, atap aıtqanda «AICEP» syrtqy baılanystar jónindegi Agenttiktiń Jaýapty dırektory Antonıo Sılva, Portýgalııa О́nerkásipshiler qaýymdastyǵynyń prezıdenti Jorshe Paısh jáne sekildi birqatar iri, shaǵyn jáne orta kásiporyndardyń basshylary Partex Oil and Gaz Group, EFACEC, Novobase, ISQ Global, TCPI, Micotec, NOV, SMP, MPG kezdesýler ótti.

B2G formatynda portýgaldyq kompanııalardyń Qazaqstanda áleýetti ınvestısııalyq jobalarǵa qatysý máseleleri talqylandy.

Konsýltasııalar barysynda bilim jáne mádenıet salasynda onyń ishinde qazaqstandyq ýnıversıtetter negizinde portýgal tili kýrs taryn uıymdastyrýǵv úlken nazar aýdaryldy. Atalǵan kýrstar tek tildi meńgerýdi ǵana emes, kıno aptalyǵy, án jáne sazdy keshter, kórme, portýgaldyq avtorlardy qazaq tiline aýdarýdy járdemdesý jáne uıymdastyrý sekildi birqatar mádenı is sharalardy uıymdastyrýdy qamtıdy.

Sapar sońynda R.Vasılenko Portýgalııanyń «Diario de Noticias» jańalyqtar agenttigine qazaqstandyq portýgaldyq yntymaqtastyqty damytýdyń búgini men erteńi týraly aıtyp suhbat berdi.

2005 jyldan 2018 jylǵy III toqsan aralyǵynda Portýgalııadan QR-ǵa ınvestısııalardyń kelýi 251 mln. Dollar qurady. 2018 jylǵy saýda aınalymy 398,4 mln. doll. Birqatar portýgaldyq kompanııalar Qazaqstanda aqparattyq tehnologııa, qurylys, arhıtektýralyq josparlaý, kórme qyzmeti, keńse jıhazyn ázirleý men jetkizý sekildi salalarda qyzmet etedi.

Uqsas jańalyqtar