Qalalyq orta sapasy jáne baqylaý basqarmasynyń basshysy Tólegen Qulyshevtiń aıtýynsha, naýryz aıynyń basynan elordada qutyrmaǵa qarsy 1 220 úı janýary egilgen. «2019 jyldyń birinshi jartysynda qutyrmaǵa qarsy 2 600 ıt, 1000 mysyqty egý jáne sibir jarasyna qarsy 350 bas qara mal, 1300 qoı-eshki, 410 bas jylqyny egý josparlanyp otyr», - dedi T.Qulyshev. Aıta ketken jón jyl basynan beri qalalyq iKomek monıtorıng jáne jedel áreket etý ortalyǵyna qala turǵyndarynan túsken ótinishter negizinde 1 194 qaraýsyz qalǵan janýarlar aýlanyp, ıt, mysyqtar ýaqytsha ustaý baspanasynda jetkizilgen. Qazir onda 554 ıt pen 30 mysyq bar.
Budan basqa, qaraýsyz qalǵan ıtter men mysyqtardyń sanyn azaıtý maqsatynda osy jyldyń maýsymy men jeltoqsany aralyǵynda 1 800 janýardy zararsyzdandyrý josparlanýda.
