О́ńir basshysy Qurma tirek mektebine baryp, oqý ornynyń jumysymen tanysty. 2016 jyly mektep jańa ǵımaratqa kóshken bolatyn. Oqý ordasy 320 orynǵa eseptelgen. Endi munda zamanaýı kitaphana, lıngafon zaly, tipti robototehnıka kabıneti de bar. Sonymen qatar mektep bazasynda 50 balaǵa arnalǵan shaǵyn ortalyq ashyldy.
Eldi mekendegi eń iri kásiporyn - qus fabrıkasy. Qurma aýyly respýblıkalyq trassanyń boıynda ornalasqan, bul aýylda bıznestiń damýyna zor yqpalyn tıgizýde. Búgingi tańda munda 35 jýyq nysan bar.
О́ńir basshysyna munda eń áleýetti kásipkerlik taýasha – qyzmet kórsetý salasy ekeni aıtyldy.
- Dál osy baǵytty damytý kerek, - dedi Erlan Qoshanov.
О́ńir basshysy sonymen qatar otbasylyq-dárigerlik ambýlatorııaǵa da baryp qaıtty. Emdelýshilerdi 2016 jyly salynǵan ǵımaratta qabyldaıdy.
Búginde munda 600-ge jýyq aýyl turǵyny medısınalyq kómek alady.
Qurma aýyly 1962 jyly quryldy. Búgingi kúni bul aýyl áleýetti eldi mekenderdiń biri bolyp tabylady. Osy sekildi aýyldardy Tuńǵysh Prezıdenttiń tapsyrmasy boıynsha ósý núktelerine aınaldyrý qajet.
Qaraǵandy oblysynyń ákimi osyndaı eldi mekenderdi damytý jumystaryn barynsha jandandyrýdy tapsyrdy.
