HALYQARALYQ QARYM-QATYNAS AÝQYMYN AIShYQTAITYN APTA

8 jáne 9 naýryzda Vashıngtonda Qazaqstan Respýblıkasy men Amerıka Qurama Shtattary ara­synda jyl saıynǵy ekijaqty saıası konsýltasııalar bolyp ótti. Birneshe mem­le­ket­tik organdar ókil­derinen turatyn qazaqstandyq de­le­gasııany Syrtqy ister mınıstriniń oryn­basary Q.Omarov bastap bardy. Amerıkalyq jaqqa AQSh Memlekettik hatshysynyń kómekshisi R.Bleık basshylyq etti. Sharanyń kún tártibi 2010 jylǵy 12-13 sáýirde Vashıngtonda ótetin Iаdrolyq qaýipsizdik jónindegi ǵalamdyq sammıtke daıyndyq, Eýropadaǵy qaýipsizdik jáne yntymaqtastyq uıymy Sam­mı­tiniń mazmunyn anyqtaý, Aýǵan­standy saıası tu­raq­tandyrý jáne ekonomıkasyn qal­pyna keltirý, saıası, ekonomıkalyq, qa­ýipsizdik jáne adam qu­qyqtary salalaryndaǵy yq­paldastyqtyń pers­pek­tıvalary sekildi qa­zaq-amerıkan strategııalyq áriptestiginiń ózekti máselelerin qamtıdy, dedi keshegi ótken aptalyq brı­ fıngte Syrtqy ister mınıs­tr­liginiń resmı ókili Asqar Abdrahmanov. Kelissózderde qazaqstandyq tarapty Syrt­qy ister mınıstrliginiń jaýapty hatshysy Rápil Joshybaev, al estondyq jaqty Eko­nomıka jáne kommýnıkasııalar mınıstri Iýhan Parts bastaıdy. Resmı ókil sondaı-aq 12 naýryzda Baký qalasynda Qazaqstan Syrtqy ister mınıstriniń oryn­basary Nurlan Ermekbaevtyń tóraǵa­ly­ǵy­men Azııadaǵy ózara is-qımyl jáne senim sha­ra­lary jónindegi keńestiń Aǵa laýazymdy tul­ǵa­lar komıtetiniń kezekti otyrysy ótetininen habardar etti. Basqosýdyń kún tár­ti­bindegi negizgi másele – ótkizilýi 7-9 maýsymda Ystam­bul­da josparlanǵan Azııa keńesi elderiniń memleket jáne úkimet basshylarynyń úshinshi sammıtine daıyndyq barysy. Sonymen qatar AО́SShK-niń Artyqshylyqtar men ımmýnı­tet­ter jónindegi konvensııasynyń jobasyn tal­qy­laý, 3-shi Sammıttiń saıası deklarasııasynyń jobasy men Túrkııanyń Azııa keńesine 2010-2012 jyldary tóraǵalyq etý tujyrymdamasyn múshe memleketterdiń nazaryna usyný sııaqty is-sharalardy ótkizý josparlanǵan. Resmı ókil sondaı-aq 14 jáne 15 naýryzda Bosnııa jáne Gersogovınanyń syrtqy ister mınıstri Sven Alkalaıdyń Qazaqstanǵa resmı sapary josparlanǵanyn aıtty. Sapar bary­syn­da qonaqtyń otandyq syrtqy ister vedo­ms­t­vosy men birqatar basqa da memlekettik organdar, ulttyq kompanııalar basshylyǵymen kezdesýleri josparlanǵan. 15 jáne 16 naýryzda, dep jalǵady brı­fıngti A.Abdrahmanov, Mınskide “Eýropadaǵy qaýipsizdik jáne yntymaqtastyq uıymynyń aımaǵynda shekaradan ótý oryndaryn laıyqty basqarý, jerústi kólik tasymaldarynyń qaýipsizdigin nyǵaıtý, halyqaralyq avtomobıl jáne temir jol kólik qatynastaryn jeńildetý” atty atalmysh Uıymnyń 18-shi Ekonomıkalyq-ekologııalyq forýmynyń ekinshi daıyndyq konferensııasy ótedi. Brıfıng sońynda resmı ókil 15 jáne 17 naýryz aralyǵynda Eýropa Keńesi Parla­ment­tik Assambleıasynyń tóraǵasy Mevlıýt Chavý­sho­ǵ­lynyń Qazaqstanǵa saparmen keledi dep kútilip otyrǵanyn kóldeneń tartty. Sapar barysynda már­tebeli qonaq elimizdiń joǵary bas­shy­ly­ǵymen birqatar kezdesýler ótkizedi dep jos­parlanǵan. Anar TО́LEÝHANQYZY.