Irikteý jarystary barysynda «Batys» óńirlik qolbasshylyǵy áskerı qyzmetshileriniń arasynan eń úzdik, sheber mamandar tańdalyp alyndy. Olardyń quramynan 4 áskerı qyzmetshi kirgen qurama komanda jasaqtaldy. Onyń ishinde bireýi áıel, úsheýi er azamat.
Konkýrsttyń sharttaryna sáıkes, «Álem jaýyngeri» konkýrsy kelesideı kezeńderden turady, olar: «Atlet» áskerı-sporttyq kezeńi, «Sheber» áskerı sheberlik kezeńi, «Mergen» atys daıarlyǵy kezeńi, «Kavaler/hanym» ádebı-shyǵarmashylyq, bı konkýrsy jáne «Erýdıt» áskerı tarıhty meńgerý deńgeıin anyqtaý kezeńi.
-Bıyl bizder óte myqty, bilikti jáne sheber serjanttardy iriktep aldyq. Halyqaralyq armııalyq oıyndarǵa qatysý múmkindigi olarǵa zor jiger berip, yntalandyrady. Alaıda úzdikter qatarynan kóriný úshin, kóp ter tógip, daıyndalý qajet, deıdi Teńiz jaıaý áskeri brıgadasynyń serjanty 1 synypty serjant Bıken Menjasarov.
Qurama komanda aqpan aıynan naýryz aıynyń aıyǵyna deıin daıarlyq júrgizip, osy kúnderi Qarýly Kúshterdiń sońǵy irikteý kezeńine jol tartty.
Bıyl, «Álem jaýyngeri» áskerı-sheberliktiń halyqaralyq konkýrsy tamyz aıynyn basynda Armenııa Respýblıkasynda ótetin bolady. О́tken jyly, Qazaqstan Qarýly Kúshteriniń qurama komandasy atalmysh konkýrsta 6 eldiń arasynda jeńimpaz atanyp, elge abyroımen oralǵan bolatyn.
