Aımaqtar • 04 Sáýir, 2019

Túrkistanda jýrnalıster arasynda respýblıkalyq týrnır ótedi

528 ret kórsetildi

5 sáýirde Túrkistan qalasynda shaǵyn fýtboldan BAQ ókilderi arasynda «Jańarǵan Túrkistan» respýblıkalyq týrnıri ótedi. Bul týraly Túrkistan oblysy О́ńirlik kommýnıkasııalar qyzmeti habarlady.

Jarystyń maqsaty – jurtshylyqty buqaralyq sportqa baýlý, jýrnalıster arasynda salaýatty ómir saltyn nasıhattaý, Túrkistandy sport ortalyǵy retinde damytý. Sonymen birge jańa oblys ortalyǵy – Túrkistannyń oń ımıdjin qalyptastyrý kózdelgen. Respýblıkalyq týrnırdiń uıymdastyrýshysy – Túrkistan oblysy ákimdiginiń ishki saıasat basqarmasy.

Dúbirli báseke qarsańynda respýblıkamyzdaǵy bedeldi telearnalar men basylymdardyń jýrnalısterine óńirdegi kıeli oryndar men kásiporyndarǵa press-týr uıymdastyrylady. BAQ ókilderi Túrkistan qalasyndaǵy qurylys nysandaryn da aralap kóredi. Sonymen birge Olımpıada chempıony Bekzat Sattarhanov atyndaǵy halyqaralyq boks týrnıriniń fınaldyq básekelerin tamashalaıdy.

Búginde «Jańarǵan Túrkistan» respýblıkalyq týrnırine Nur-Sultan, Almaty, Shymkent qalalary men BQO, Jambyl, Qyzylorda, Almaty, SQO jáne Túrkistan oblysynyń jýrnalısterinen quralǵan komandalar qatysýǵa ótinish bildirgen.

Týrnır 5 sáýirde Túrkistandaǵy «Astana» sport kesheninde ótedi. Birinshi oryn alǵan komandaǵa 500 myń, ekinshi orynǵa – 300 myń, al, qola júldegerge 150 myń teńge tapsyrylady. Sondaı-aq týrnırdiń úzdik qaqpashysy, shabýylshysy, qorǵaýshysy jáne eń myqty oıynshysyna marapattalsa, taǵy 3 oıynshyǵa O.Jarylǵapov, Á.Nurmahanov jáne B.Sattarhanov atyndaǵy arnaıy júldeler tapsyrylady.

Sońǵy jańalyqtar

Elimizdiń 6 óńirinde joldar jabyldy

Oqıǵa • Búgin, 15:39

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar