Elordanyń jumyspen qamtý ortalyǵy qaıta oqytý kýrstaryna jumyssyz azamattardy qabyldap jatyr. Qaıta daıarlaý eńbek naryǵynda suranysqa ıe mamandyqtar boıynsha júrgiziledi.
«Jumyssyz azamattardy eńbek naryǵynda suranysqa ıe mamandyqtar boıynsha tegin qaıta oqytý kýrstaryna qabyldaý júrgizilýde. Atap aıtqanda, qaıta daıarlaý kýrstary naýbaıshy, mektepke deıingi uıymdardyń tárbıeshisi (pedagogıkalyq bilim mindetti), menedjer (saýda, talap etilmegen mamandyǵy bar jumyssyzdar úshin jáne dıplomy bolýy kerek), ákimshi, elektr jáne gazben dánekerleýshi, kıberqaýipsizdik mamany, anımasııa jáne beıne grafıka salasyndaǵy maman, ýqalaýshy (medısınalyq bilim bolýy kerek) sııaqty mamandyqtar boıynsha júrgiziledi. Oqý barysynda aı saıyn 16 759 teńge stıpendııa tólenedi. Qaıta daıarlaý kýrsyn oıdaǵydaı aıaqtaǵan soń sertıfıkat berilip, jumysqa ornalasýǵa járdem kórsetiledi», – dep málimdedi ortalyq.
Barlyq qajetti aqparatty Jumyspen qamtý ortalyǵynan alýǵa bolady: Beıbitshilik kóshesi, 25, «О́rken» BO, 209 keńse. Anyqtama telefony: 8 (7172) 57-89-78.
