Bul týraly Túrkistan oblysy Ordabasy aýdanyndaǵy «Ramazan Agro» JShS-niń egistik alqabynda ótken brıfıng barysynda aıtyldy. Is-sharaǵa Aýyl sharýashylyǵy mınıstrliginiń, oblys ákimdiginiń, «Agrarlyq nesıe korporasııasy» AQ ókilderi, aýyl sharýashylyǵy taýaryn óndirýshiler, salalyq assosıasııalar men kásipodaq jetekshileri qatysty.
Oblys ákimdikteri aýyl sharýashylyǵy basqarmalarynyń aldyn-ala málimetteri boıynsha, 2019 jyly aýyl sharýashylyǵy daqyldaryn 22,3 mln.ga jerge ornalastyrý josparlanýda, bul ótken jylǵydan 1,3% artyq. Qazirgi ýaqytta egistik jerlerdi tıimdi ártaraptandyrý júrgizilýde, bul bıdaı, sýarmaly egistik jerlerdiń azaıýyna jáne bos jerlerdi ıgerý esebinen maıly, dándi daqyldar, jemdik daqyldar, burshaq, jemshóp daqyldar sııaqty básekege qabiletti suranysqa ıe aýyl sharýashylyǵy daqyldaryn keńeıtýge múmkindik beredi.
Osylaısha, aǵymdaǵy jyly 2018 jylmen salystyrǵanda suranysqa ıe egistik alqaptary: arpa jáne júgeri astyq - 57,2 myń ga, qant qyzylshasy - 2,6 myń ga, jemshóp daqyldary - 654,1 myń ga artady.
2019 jyldyń 1-qańtarynan bastap satyp alý normalary boıynsha elıtalyq tuqymdar men birinshi reprodýksııaly tuqymdardy sýbsıdııalaýdy kózdeıtin tuqym sharýashylyǵyn sýbsıdııalaýdyń jańa shemasy engizildi. Bul rette tuqymdar kóktemde tólemsiz tuqym sharýashylyqpen nemese AShTО́ iske asyrýshymen jiberiledi, al olardyń shyǵyndaryn oblys ákimdigi óteıdi.
Tuqym sharýashylyǵyn sýbsıdııalaýdyń jańa mehanızmine kóshýdiń negizgi maqsaty aýylsharýashylyq taýar óndirýshilerine kóktemde tuqym satyp alý, ýaqytyly sortty aýysýlar men sorty jańartýlaryn alý úshin aınalym qarajatynyń joqtyǵy máselesin sheshedi. Sondaı-aq, bólingen bıýdjettik qarajattardy tıimdi paıdalaný jáne tuqym sharýashylyǵy sýbsıdııalaýdyń baǵdarlamasymen aýyl sharýashylyǵy taýar óndirýshilerdi 100% qamtamasyz etedi.
Mashına-traktor parkin jańartý problemalaryn sheshý úshin qolda bar resýrstardy (sýbsıdııalardyń tıimsiz túrlerin azaıtý arqyly) qaıta bólý josparlanyp otyr, bul óndirýshi elge baılanýsyz AShTО́ sapaly jáne zamanaýı tehnıkalarǵa qol jetkizýin qamtamasyz etýge baǵyttalatyn bolady.
