Qalalyq №2 balalar aýrýhanasynda balalardy turmystyq hımııalyq zattardan qorǵaý taqyrybyna arnalǵan brıfıng-konferensııa ótti dep habarlaıdy elorda ákimdiginiń resmı saıty.
Dárigerler aýyz qýysynyń, óńesh, asqazannyń kúıýine soqtyrýy múmkin turmystyq hımııa quraldarynyń qaýiptiligi týraly aıtty. Mundaı oqıǵalar ata-ananyń balalar úshin qoljetimdi jerde túrli tústi átir, basqa da quraldardyń qutylaryn qaldyryp ketýinen oryn alyp jatady.
«Bizdiń aıtyp otyrǵanymyz: osyndaı kúıikpen aýrýhanaǵa túsetin balalardy emdeıtin dárigerlerdiń jan aıqaıy. Balalar óte aýyr hálde túsedi, kóbi jańsaqtaý bóliminde jatyp shyǵady. Odan keıin ol balanyń densaýlyǵynyń nyǵaıýy úshin kúresý kerek. Oǵan kóptegen jyldar ketedi. Al bala tolyq saýyǵyp kete me? Ony aıtý qıyn. Ol hımııanyń organızmge qalaı áser etkenine baılanysty. Mysaly, hımııalyq kúı shalǵan 100 balanyń 50 múgedek bolyp qalady. Keı kezde onyń zardaby qansha jyl emdelse de, qaıtpaıdy, tipti bolmaǵan soń, óńeshti aýystyrý kerek bolady. Odan keıinde jaqsy bolyp ketedi dep aıta almaımyz», – deıdi «Astana medısına ýnıversıteti» KeAQ-nyń balalar hırýrgııasy kafedrasynyń medısına ǵylymdarynyń kandıdaty Sáýle Súleımanova.
Uıymdastyrýshylar brıfıngti ótkizýge №2 balalar aýrýhanasyna turmystyq hımııadan zardap shegip túsetin balalar sanynyń artýy sebep bolǵandyǵyn aıtty. Ásirese, aýyz qýysy jáne óńeshtiń hımııalyq kúıigi jıilep ketken. 2018 jyly №2 balalar aýrýhanasyna aýyz qýysy jáne óńeshtiń hımııalyq kúıigi dıagnozymen 69 bala jatqyzyldy.
Al 2017 jyly 71 bala, 2018 jyldyń birinshi toqsanynda osyndaı dıagnozben 11 bala tússe, 2019 jyldyń osy kezeninde 22 bala aýrýhanaǵa jatqyzylǵan.
ShQO-da joǵalǵan er adamnyń máıiti tabyldy
Qoǵam • Búgin, 11:10
Qazaqstanda zeınetaqynyń ortasha mólsheri qansha?
Qarjy • Búgin, 11:02
Kásipqoı boks: Sultan Záýirbektiń kelesi qarsylasy anyqtaldy
Boks • Búgin, 10:55
Aqtóbelikter Shavkat Rahmonovqa at mingizdi
Sport • Búgin, 10:42
Ronaldý ulttyq qurama sapynda 100 gol soqqan alǵashqy fýtbolıst atandy
Fýtbol • Búgin, 10:38
Elena Rybakına Maıamı masters týrnıriniń úshinshi aınalymyna ótti
Sport • Búgin, 10:24
Uqsas jańalyqtar
