Aımaqtar • 05 Sáýir, 2019

Túrkistan týrızmin damytýǵa arnalǵan keńes ótti

840 ret kórsetildi

Túrkistan oblysynyń, onyń ishinde Túrkistan shaharynyń týrıstik áleýetin arttyrý maqsatynda respýblıkaǵa belgili sarapshylardyń qatysýymen semınar keńes ótti.

Ortalyq kommýnıkasııalar qyzmetiniń uıymdastyrýymen ótken «Rýhanı Jańǵyrý: Túrkistan Týrızmi» semınaryna Q.A.Iаsaýı atyndaǵy HQTÝ janyndaǵy Iаsaýıtaný ortalyǵynyń dırektory, professor Dosaı Kenjetaı, tarıhshy Marat Tuıaqbaev, Halyqaralyq joba menedjeri Zarına Bııýmbaeva, ólketanýshy Erlan Syzdyq jáne ólketanýshy Ǵanı Nazarbek jáne Túrkistan oblysy týrızm jáne syrtqy baılanystar basqarmasy basshysynyń orynbasary Jasulan Tólebekov qatysty.

Professor Dosaı Kenjetaı «Din men mádenıet qatynasynyń bolmystyq máni» baǵytynda sóz qozǵaǵan professor Dosaı Kenjetaı bilim berý júıesindegi oqýlyqtar men oqý quraldarynda jáne gýmanıtarlyq-áleýmettik ǵylymda din men mádenıetke qatysty zertteýler, monografııalar men saraptamalardyń barlyǵy keshegi pozıtıvıstik, ateıstik ustanymdar negizinde tujyrymdalǵandyyn aıtyp ótti.

«Rýhanı jańǵyrý» týǵan jerdi tanyp bilýden bastalady, degen tarıhshy Marat Tuıaqbaev babalardan mıras bolyp, qanymyzǵa sińgen, búginde tamyrymyzda búlkildep jatqan izgi qasıetterdi qaıta túletýimiz kerek dep sanaıdy.

Halyqaralyq joba menedjeri Zarına Bııýmbaeva «Rýhanı jańǵyrý» baǵdarlamasy týraly óz oıymen bólisti.

«Rýhanı Jańǵyrý baǵdarlamasy óte ózekti jáne oryndy dep oılaımyn, óıtkeni ol osy júıelerdiń úılesimdi damýyna jetispeı turǵan pazldy qamtamasyz etedi. Bul pazl jan-jaqty damyǵan, sanasy, táni, rýhy, dili men dini teń damyǵan adam. Onsyz biz tıimdi ekonomıkany, úılesimdi qorshaǵan ortany, qalalar men el bolashaǵyn qura almaımyz»,  Zarına Bııýmbaeva.

Úzdik ólketanýshy  Erlan Syzdyq tarıhı mánge ıe «Uly jibek jolyn» jaǵyrtyp týrıstik nysanǵa aınaldyrý úshin sol joldyń boıynda jatqan kóne qalalarǵa qalpyna keltirý jumystaryn júrgizip, ashyq aspan aıasyndaǵy murajaıǵa aınaldyrý kerek ekenin aıtty. Halyqtyń ekologııalyq mádenıeti men saýattylyǵyn kóterý ózekti máseleniń birine aınalǵanyn jetkizgen jas ólketanýshy Ǵanı Nazarbek tabıǵat aıasyna demalýǵa shyqqan azamattar kúl-qoqystaryn shashyp qorshaǵan ortaǵa orasan zııan keltirip jatqanyn ashyna aıtty.

Sondaı-aq, Túrkistan oblysy týrızm jáne syrtqy baılanystar basqarmasy basshysynyń orynbasary Jasulan Tólebekov óńidegi «Rýhanı jańǵyrý» baǵdarlamasyn iske asyrý jáne týrızm salasyn damytý baǵytyn atqarylyp jatqan jumystarǵa toqtaldy.

Onyń sózinshe, oblysqa kelýshi týrısterdiń sany jyldan jylǵa artyp keledi. Mysaly, resmı statıstıkalyq málimetke súıensek, 2018 jyly ornalastyrý oryndarymen qyzmet kórsetilgen týrıster sany 152 myń adamdy qurap, 2017 jylmen salystyrǵanda 15 paıyzǵa artyp otyr.

«Bizdiń oblysta atalǵan joba aıasynda óńirimizdegi birqatar qasıetti jerlerdi jańǵyrtý, qaıta qalpyna keltirý sharalary qolǵa alyndy. Qazaqstannyń kıeli jerleriniń kartasy jobasy aıasynda óńirimizde 104 kıeli orynnyń tizimi jasaqtalyp, tıisti jumystar atqarylýda. Sondaı-aq, 2018 jyly óńirdiń kıeli, tarıhı oryndary, tulǵalary týraly birneshe anımasııalyq fılmder men telehıkaıa taspalandy. Atap aıtsaq, «Kúsh atasy – Qajymuqan», «Kıeli Qazyǵurt», «Otyrardy qorǵaý» mýltfılmderi jáne «Kóne jetigenniń syry» atty teleserıal túsirildi. Odan bólek, Tólebı týraly telehıkaıa daıyndalýda», deıdi Jasulan Tólebekov.

Ultymyzdyń umyt bola bastaǵan salt dástúrlerin jańǵyrý jáne týrızm salasyn damytý maqsatynda aýdan, qalalarda halyqaralyq, respýblıkalyq jáne oblystyq deńgeıde túrli is-sharalar jospary bekitilip, Qazyǵurt aýdanyndaǵy «Naýryz Qazyǵurttan bastalady», Báıdibek aýdanyndaǵy «Qymyzmuryndyq», Shardara aýdanyndaǵy «Safarı Shardara», Maqtaaral aýdanyndaǵy «Qaýyn Fest», Saryaǵash aýdanyndaǵy «Saryaǵash OPEN», Tólebı aýdanyndaǵy «Qasqasý», Túlkibas aýdanyndaǵy «Aqsý Jabaǵyly alaýym – Shubaıqyzyl jalaýym» jáne «Salbýryn» festıvalderi ótti.

О́tken jyly Túrkistan qalasynyń ózine 1 mln asa týrıst qonaq bolǵan. 2025 jylǵa qaraı týrıster sanyn 5 mln-ǵa jetkizý kózdelýde.

 

Sońǵy jańalyqtar

PIK pen MIB-tiń «shaıqasy»

Qazaqstan • Keshe

Plastık qaptamanyń álegi

Ekologııa • Keshe

Kólikqumarlarǵa arnaldy

Ekonomıka • Keshe

Qymbat em-dom qoljetimdi

Medısına • Keshe

О́lke táji – О́leńti

Aımaqtar • Keshe

Aqshoqyda arqar atqan...

Aımaqtar • Keshe

Jastarǵa janashyr joba

Qoǵam • Keshe

Týrıster qyzyǵatyn ólke

Týrızm • Keshe

Uqsas jańalyqtar