Jańa ortalyq №78 mektep-gımnazııa aýdanyndaǵy «Qulager» TK turǵyndary úshin ashyldy. Ashylý saltanatyna Esil aýdany ákimi apparatynyń basshysy Araı Sadyqov, qalalyq ardagerler keńesi tóraǵasynyń orynbasary Esbolat Dúısenov, Esil aýdany ardagerler keńesiniń tóraıymy Rysty Atyǵaeva, sondaı-aq kóp qabatty úılerdiń turǵyndary qatysty. Dástúrli túrde ashylý saltanaty qyzyl lentany kesýden bastaldy. Munda barlyǵy 200-den astam zeınetker turady. Olardyń barlyǵy belsendi ómir saltyn ustanady. Serýendeıdi, nemerelerin tárbıeleıdi.
«Bul – bizdiń aýdanda ashylǵan 13-shi ortalyq. Munda qarııalar áńgime-dúken quryp, ústel oıyndaryn oınap, teledıdar kórip, gazetter oqı alady. Demalys ortalyǵynda týǵan kúnderdi de birge atap ótýge bolady», – dedi Esil aýdany ardagerler keńesiniń tóraıymy Rysty Atyǵaeva.
Búgin bir shańyraqtyń astynda bir urpaq jınalyp, balalar men nemereleriniń jańalyqtarymen, jetistikterimen bólisti. Zeınetkerler aıtýynsha, mundaı demalys ortalyqtary qart adamdarǵa ýaqytty jaǵymdy ári paıdaly ótkizýge septigin tıgizedi.
