Kezdesý barysynda Aqtóbe oblysyndaǵy kásipkerlikti qoldaýǵa baǵyttalǵan memlekettik baǵdarlamalarǵa qatysty suraqtar men aldaǵy ýaqytta shaǵyn jáne orta bıznesti damytý josparlaryn talqylady.
Abaı Sarqulovtyń aıtýynsha, Aqtóbe oblysynda «BJK 2020» júzege asqannan bastap quny 102,7 mlrd teńge bolatyn 885 jobaǵa qoldaý kórstilgen. Onyń ishinde 2018 jyly 7,5 mlrd teńge bolatyn 95 jobany sýbsıdııalaý kelisimine qol qoıylǵan. Ol sondaı aq, «Eńbek» memlekettik baǵdarlamasyn iske asyrý josparlary týraly áńgimeledi.
«2019 jyly Aqtóbe oblysynda atalǵan baǵdarlamany júzege asyrý úshin 1,1 mlrd teńge bólinetin bolady. Odan ózge, quny 63 mıllıon teńge bolatyn kepildik sharttaryna qol qoıý josparlanyp otyr» - dedi «Damý» KQQ basqarma tóraǵasy.
Kezdesýde sondaı-aq, eksportqa baǵyttalǵan kásiporyndarǵa qoldaý máselesi de sóz boldy.
Qazirgi tańda, oblys aımaǵynda 50-den astam eksport baǵytyndaǵy kásiporyn jumys jasaıdy. Resmı derekterge sáıkes, 2018 jyldyń 11 aıynyńy qorytyndysy boıynsha óńirde jalpy quny 2,7 mlrd dollardy quraıtyn ónim eksporttalǵan.
«KazakhExport» AQ oblystaǵy eksport baǵytyndaǵy kásiporyndarǵa qoldaý kórsetýge arnalǵan sharalardy turaqty túrde ótkizip turady. Onyń ishinde «ESK «KazakhExport» AQ-nyń jáne basqa da ulttyq kompanııalardyń qatysýymen halyqaralyq standarttardyń erejeleri, memlekettik baǵdarlamalardy qoldaý jáne ony damytý taqyrybynda semınarlar, trenıngter, dóńgelek ústelder ótkizedi» - dep atap ótti oblys ákimimen kezdesýde Rýslan Iskakov.
«ESK «KazakhExport» AQ basqarma tóraǵasy О́zbekstan Respýblıkasynyń jáne Reseı Federasııasynyń (Kazan) Qazaqstandyq eksporttaýshy ókildiginiń keńseleri shekaralyq saýda-sattyqty damytýǵa jáne Aqtóbe oblysynyń kásipkerlerine tıimdi eksporttyq kelisim-shart jasasýǵa kómektesedi dep atap ótti.
Aıta ketý kerek, Aqtóbe oblysyndaǵy «ESK «KazakhExport» AQ saqtandyrý qoldaýymen birqatar jobalar júzege asyryldy, onyń ishinde «Aktep» et kombınaty - Reseı Federasııasyna et ónimderin eksporttaý; «Aqtóberentgen» JShS - О́zbekstan Respýblıkasyna rentgen jabdyǵyn eksporttaý; «Aqtóbe munaı jabdyqtary zaýyty» JShS – Ázerbaıjanǵa nasosty shtang jáne mýftalar jetkizý; «Green Capital Kazakhstan» JShS jylyjaı kesheni.
Odan ózge kezdesý barysynda «Damý» KQQ jáne ERG esebinen Hromtaýdaǵy jobalardy qarjylandyrý úshin maqsatty óńirlik baǵdarlamany júzege asyrýda jergilikti atqarýshy organdardan kómek kórsetý týraly ótinish jasaldy.
Jıyn sońynda oblys ákimi barlyq bastamalarǵa qoldaý kórsetiletinin aıtyp ótti.
«Kásipkerlikti damytý, jumyspen qamtý jáne eksportty damytý bizdiń basty tapsyrmamyz», - dedi Ońdasyn Orazalın.
