Sot otyrysy jalǵasýda

Beısenbi, 29 naýryz 2012 7:54

Keshe Aqtaý qalalyq sotynda 2011 jyldyń 16-17 jeltoqsanynda Jańa­ózen qalasynda oryn alǵan jappaı tártipsizdik oqıǵasyna oraı 37 tulǵaǵa qatysty qylmystyq is qaraǵan sot otyrysy ekinshi kún jalǵasty.

Advokattar qorǵaýshylar retinde sot­­talýshylardyń talap-tilekterin já­ne olardyń naqtylyǵy jóninde baıan etti. Sot májilisiniń tóraǵasy A.Na­ǵa­­­­shybaev qorǵaýshylardan 10 is boıynsha ótinishter túskendigin, onyń bári de saralanyp, zań boıynsha júzege asy­ry­­­la­tyndyǵyn jetkizdi.

Beısenbi, 29 naýryz 2012 7:54

Keshe Aqtaý qalalyq sotynda 2011 jyldyń 16-17 jeltoqsanynda Jańa­ózen qalasynda oryn alǵan jappaı tártipsizdik oqıǵasyna oraı 37 tulǵaǵa qatysty qylmystyq is qaraǵan sot otyrysy ekinshi kún jalǵasty.

Advokattar qorǵaýshylar retinde sot­­talýshylardyń talap-tilekterin já­ne olardyń naqtylyǵy jóninde baıan etti. Sot májilisiniń tóraǵasy A.Na­ǵa­­­­shybaev qorǵaýshylardan 10 is boıynsha ótinishter túskendigin, onyń bári de saralanyp, zań boıynsha júzege asy­ry­­­la­tyndyǵyn jetkizdi. Sonymen bir­ge dá­­­lelsiz, negizsiz talap-tilekter zań­dyq ne­­­­gizde bolýyn, sotty qurmet­teýdi sura­dy. Odan ári sot otyrysynda qaty­sý­­­­shy­­­­­lar­ǵa sottalýshylarǵa taǵylǵan aı­­­yp­­tardyń mazmuny tanystyryldy. Já­­­ne de sot májilisiniń tóraǵasy árbir sottalý­­­shy­larǵa taǵylǵan aıyptardyń mazmuny jónindegi kózqarastary týraly sóıleý­­­lerine múmkindik bolatyn­dy­ǵyn eskert­­­ti. Sosyn usynylǵan dá­lel­demelerdi zertteý barysy týraly pi­kirler tyń­­­dalatyndyǵy aıtyldy. Bul másele boıynsha qorǵaýshylar, memle­ket­tik aıyptaýshylar pikirleri ortaǵa salyndy. Keshegi is boıynsha 37 sottalýshy, 188 jábirlenýshi, 45 kýá qatys­ty. Jáne 93 tomdyq qujat bar ekendigi aıtyldy. Sot isin jábirlenýshilerden bastaý usynyl­­­dy. Ony tergeý áre­ket­teri nátıjesimen jalǵastyrylyp, 93 tomdyq qujattardy da nazarǵa alsaq degen pikir aıtyldy. Bul usynysty sot otyrysynyń tóraǵasy maquldap keli­simin berdi.

Sot otyrysyndaǵy birinshi bolyp jábirlenýshi «О́zenmunaıgaz» óndi­ris­tik fılıalynyń ókili, advokat Rashıd Sáýlebaevqa sóz berildi. Ol 2011 jylǵy 16-17 jeltoqsandaǵy Jańa­ózen­degi jappaı tártipsizdik saldarynan kelgen zııan kólemin jáne sol oqıǵaǵa baılanysy «О́zenmunaıgazdan» búgin qylmysty isteri qaralýdaǵy 18 qyz­metker bar ekendigin aıtty. Jalpy, osy otyrysta barlyǵy 14 jábirlenýshi suraldy. Olardyń arasynda jeke kásipkerler, dúkender men avtokólik ıeleri, merekege oraı kıiz úılerin tikken jeke tulǵalar boldy.

Aqtaýdaǵy osy sot otyrysyna arnaıy kelgen Parlament Májilisiniń depýtaty Serik Ospanov BAQ ókil­de­ri­men kezdesip, saýaldaryna jaýap berdi. Sot otyrysynyń júrý barysy týraly pikirin bildirdi. «Barshańyz da kórip otyrǵandaı, sot otyrysy ashyq, ja­rııalylyq jaǵdaıynda ótýde. Úlken zalda aıyptalýshylardyń týǵan-týys­qandary, joldastary, qoǵamdyq uıym­dardyń ókilderi otyr. BAQ ókilderi jumysyna da jaǵdaı jasalypty. Ma­ǵan osy sot otyrysynyń júrý barysy týraly aryz-shaǵym, usynys túsken joq. Meniń oıymsha sot ádil ótedi, kimniń qandaı aıyby bar ekendigi dál anyqtalyp, durys sheshim shyǵarady dep senemin», dedi Májilis depýtaty.

Jolaman BOShALAQ.

AQTAÝ.