Qazaqstan • 09 Sáýir, 2019

Halyqaralyq bıznes-forýmǵa qatysýǵa shaqyrdy

820 ret kórsetildi

Beıbitshilik jáne kelisim saraıynda Qazaqstan halqy Assambleıasy (QHA) Tóraǵasynyń orynbasary – Hatshylyq meńgerýshisi Janseıit Túı­mebaev Tatarstan Respýblıkasynyń Qazaq­stan­daǵy ókiletti ókili Denıs Valeevpen kezdesti.

Kezdesýde taraptar ózara senimdi nyǵaıtý, birlik pen keli­simdi saqtaý salasyndaǵy ekijaqty qatynastardyń máse­le­lerin talqylady. QHA Tóra­ǵasynyń orynbasary ózara qa­rym-qatynas joǵarǵy deńgeıde ekenin jáne QHA óz tarapynan osy yntymaqtastyqtyń damýyna barynsha yqpal etetinin atap ótti.

J.Túımebaev qazirgi ýaqytta Qazaqstanda tatar etnosynyń 200 myńnan astam ókili ómir súrip jatqanyn habarlady. Sondaı-aq Assambleıa Tóraǵasynyń orynbasary barlyq tatar-bashqurt etnomádenı birlestikteri «Qa­zaq­standyq tatar jáne bashqurt kongresi» biryńǵaı respýb­lıka­lyq qoǵamdyq birlestiginiń qura­myna enetinin aıtty. Qaýym­das­tyq tatar mádenıetin saqtaý máse­leleri boıynsha ǵylymı-táji­rıbelik konferensııalar ótkizedi, kitap basyp shyǵarady, sony­men birge jyl saıyn «Er­tis áýenderi» mýzykalyq fes­tı­vali men túrli is-sharalar uıym­dastyrady.

«О́tken jyly Qazaqstannyń Tuńǵysh Prezıdenti Nursultan Nazarbaev Tatarstan Respýb­lı­kasyna bardy. Bıyl mamyr aıynda Tatarstan Respýblıkasynyń Prezıdenti Rýstam Mınnı­ha­novtyń Qazaqstanǵa sapary kútilýde. Almaty oblysynda Sa­ban­toı merekesin ótkizýdi jos­parlap otyrmyz», – dedi J.Túı­mebaev.

Denıs Valeev qazaq jáne tatar tilderiniń uqsastyǵyn atap ótti. «Qazaqstandaǵy otandas­tar­men sońǵy kezdesý kezinde etnos arasynda tatar tilin saqtaý tý­raly kezekti suraqqa oraı bizdiń Prezıdentimiz Rýstam Mın­nıhanov: «Qazaq tilin úırenip, tatar tilin jaqsy biletin bolyńdar» dedi. Bizdiń tilimiz sonshalyqty uqsas», – dedi spıker.

Tatar etnosynyń qoǵamdyq uıymdaryna qatysty ókiletti ókil búkil respýblıka boıynsha tatar ulttyq merekelerin ótkizýge qoldaý kórsetiletinin jáne etnos ókilderi Qazaqstanda óz úılerinde turyp jatqandaı sezinetinin atap ótti.

Sonymen birge Denıs Va­leev aıtyp ótkendeı, jańa ındýs­trııalyq jobalar, sonyń ishinde aýtsorsıngtik tehnologııalar, munaı hımııasy jáne basqa da salalar ázirlenýde.

Janseıit Túımebaev QHA saýda salasyn damytýdy jos­parlap otyrǵanyn habarlady. «Bizdiń ınstıtýttyń quramynda Qazaqstan halqy Assambleıasynyń Kás­ipkerler qaýymdastyǵy ju­mys isteıdi. Qazan aıynda biz Assambleıanyń Halyqaralyq bıznes-forýmyn jáne tarıhı shyǵý tegi bir eldermen júzege asyrylatyn túrli etnos kásipkerleriniń birlesken jobalarynyń kórmesin ótkizýdi josparlap otyrmyz. Bizdi sizderdegi bıznes-jobalar qyzyqtyrady, osyǵan baılanys­ty Tatarstan bıznesmenderin atal­ǵan is-sharaǵa belsendi qaty­sýǵa shaqyrǵanyńyz jón bolar edi», – dedi ol.

 Kezdesý sońynda Janseıit Túı­mebaev Tatarstan Respýblı­ka­sy­nyń ókiletti ókiline «Qazaq­stan halqy Assambleıasy el tarıhynda» kitabyn tabys etti.

Sońǵy jańalyqtar

Zııatkerlerdiń shetelde kezdesýi

Bilim • Búgin, 23:36

Talqy

Ádebıet • Búgin, 23:23

Shamǵon tasada qalar tulǵa emes

Ádebıet • Búgin, 23:17

Kókirekte kúmbirlegen dúnıe kóp

Ádebıet • Búgin, 23:12

Qar ústindegi qarsaq

Aımaqtar • Búgin, 23:08

Álkeıdiń kúndeligi

Tarıh • Búgin, 23:07

Jyl úzdikteri anyqtaldy

Sport • Búgin, 23:02

«Hat qorjyn»

Qoǵam • Búgin, 22:58

Qarǵyn sýdan qaýip bar

Tótenshe jaǵdaı • Búgin, 22:54

Sháken Aımanovtyń áıgili bórki

Jádiger • Búgin, 22:53

Jańa avtobýstarmen tolyqty

Mektep • Búgin, 22:45

Oqýshylar tapqan olja

Jádiger • Búgin, 22:39

Irikteýdegi qarsylastary anyqtaldy

Fýtbol • Búgin, 22:35

Jalpy esepte úzdik shyqty

Sport • Búgin, 21:05

Atyraý-Astrahan tasjoly jabyldy

Aımaqtar • Búgin, 17:00

Uqsas jańalyqtar