Alǵashqy matchtyń qaharmany retinde «Qazaq» degen búrkenshik esimdi ıemdengen «Lıverpýldiń» sapyndaǵy 27 jastaǵy brazılııalyq shabýylshy Roberto Fırmınony ataýǵa bolady. Kezdesýdiń 5-mınýtynda dál sol oıynshynyń pasynan keıin Nabı Keıta portýgalııalyqtardyń qaqpasyna gol soqsa, 26-mınýtta Roberto Fırmınonyń óz nysanany dál kózdedi – 2:0. Odan keıin esep ózgergen joq.
Anglııanyń qos klýby – «Tottenhem» men «Manchester Sıtı» arasyndaǵy matchtyń 13-mınýtynda alań ıeleriniń qaqpasyna 11 metrlik aıyp doby belgilendi. Alaıda Serhıo Agýeronyń tepken dobyn Ýgo Lorıs keri qaıtardy. Sodan keıin aıtýly komandalar alma-kezek shabýyldaǵanymen, uzaqqa deıin bir-biriniń qaqpa kiltin taba almady. Al 78-mınýtta «Tottenhemniń» sapyndaǵy Ońtústik Koreıanyń oǵlany Son Hyn Mınniń soqqan goly báseke taǵdyryn sheshti.
Búgin túnde taǵy eki jartylaı fınaldyq básekeni tamashalaımyz. Bul kezdesýlerde «Manchester Iýnaıted» (Anglııa) pen «Barselona» (Ispanııa) jáne «Aıaks» (Gollandııa) pen «Iýventýs» (Italııa) sheberlik baıqasady. Al osy tórt juptyń arasyndaǵy qarymta kezdesýler kelesi aptada ótedi.
