Shaharda byltyrǵy qyrkúıekten beri 280 adam atalǵan aýrýǵa shaldyqqan. Olardyń kóbi ortodokstyq kózqaras ustanatyn evreı qaýymy kórinedi. Qyzylshanyń munshalyqty keń taraýy sońǵy ret 1991 jyly tirkelgen eken.
Turǵyndar ekpeni 48 saǵat ishinde salýy kerek. Alda-jalda buǵan deıin vaksına saldyrsa, onyń anyqtamasyn jergilikti medısınalyq ortalyqtarǵa ótkizýi tıis. Eger turǵyndar ekpeden bas tartsa, 1000 dollar kóleminde aıyppul salynbaq.
Osy oqıǵaǵa baılanysty baspasóz jıynyn ótkizgen qala ákimi Bıll de Blazıo vaksınadan bas tartý zań buzýǵa sáıkes keletinin málimdedi. Allergologııa jáne juqpaly aýrýlar ulttyq ortalyǵynyń dırektory Entonı Faýchı jergilikti dinbasylardy ekpe nasıhattaýǵa shaqyryp otyr.
«Din basylar, el aǵalary vaksına saldyrýdy óz balalary ǵana emes, qoǵam úshin qajettigin túsindirýi kerek. Olar qoǵamymyzdy saqtap qalý úshin ujymdyq ımmýnıtetti qalyptastyrýǵa atsalysýy tıis», dedi ol.
