Oǵan sebep bolǵan myna jaıt: Osyǵan deıin Sháripova men Hammer Olımpııa oıyndarynda Qazaqstannyń týy astynda óner kórsetkisi keletinderin san márte málimdegen. Alaıda ondaı múmkindik berilmeı otyrǵandyǵyn aıtyp, ulttyq qurama bapkerine olar óz-ókpe nazdaryn bildirdi. Osy oraıda, Fırýza «Prısıajnıýk meni kózine de ilgen joq» dep bas bapkerdi aıyptaǵandaı boldy. Osy sózderden keıin aıtýly maman kásipqoılar arasynda eleýli tabystarǵa qol jetkizip úlgergen qos boksshyny elimizdiń bas komandasyna shaqyrtty.
Bir nárse tyndyrǵysy kelgen adam bos sóıleı bermeı, naqty iske kóshýge tıis. Biz Fırýza Sháripovaǵa bir emes, birneshe márte shaqyrtý joldaǵanbyz. Krıstına Hammerdiń de týyǵan-týystaryna telefon shaldyq. Alaıda olardyń qoldary tımedi. Endi men bas bapker retinde Qazaqstan boks federasııasynyń atynan ekeýin de aldaǵy jarystar – mamyr aıynda Shymkentte ótetin respýblıkalyq Spartakıada nemese shildede Nur-Sultanda jalaýy jelbireıtin Prezıdent kýbogy jolyndaǵy týrnırge resmı túrde shaqyrtyp otyrmyn. Olarǵa barynsha qoldaý kórsetileninine kepildik beremin. Tokıo Olımpıadasynyń alaýy tutanýyna az ǵana ýaqyt qaldy. Beldi bekem býatyn kez keldi. Nemese boz sózdi qoıyp, osy taqyryptyń núktesin qoıaıyq, – dep málimdedi Vadım Prısıajnıýk.
