Seısenbiden beısenbige qaraǵan túni taǵy qos kezdesý ótti. Anglııanyń «Manchester Iýnaıtedi» óz alańynda Ispanııanyń «Barselonasyn» qabyldady. Báseke taǵdyryn 13-mınýttaǵy Lıýk Shoýdyń avtogoly sheshti. Alǵashynda tóreshi offsaıd belgilegen edi, alaıdy beıneqaıtalaýdy kórgennen keıin soǵylǵan gol esepke alyndy – 0:1. Osylaısha, katolonııalyq klýb syrt alańda jeńiske jetti.
Gollandııanyń «Aıaksy» Italııanyń «Iýventýsymen» sheberlik baıqasty. 45-mınýtta Krıshtýaný Ronaldy soqqan goldan keıin qonaqtar alǵa shyqqan edi. Biraq bul jaǵdaı alań ıeleriniń eńsesin túsire alǵan joq. Ekinshi kezeń bastalǵan bette Davıd Neres tarazy basyn teńestirdi – 1:1.
Qarymta kezdesýler kelesi aptada ótedi. 16-shy sáýirden 17-sine qaraǵan túni «Iýventýs» «Aıaksty» jáne «Barselona» «Manchester Iýnaıtedti» qabyldaıdy. 17-shi sáýirden 18-ine qaraǵan túni «Portý» men «Lıverpýl» jáne «Manchester Sıtı» men «Tottenhem» kúsh synasady.
