Taraptar ekijaqty yntymaqtastyqty odan ári damytý, halyqaralyq uıymdar aıasyndaǵy ózara is-qımyl máselelerin talqylap, óńirlik jáne jahandyq qaýipsizdik máseleleri boıynsha pikir almasty.
Kaspıı óńirinde ekijaqty árekettestikke de basa nazar aýdaryldy. 2018 jyly Aqtaý qalasynda bolǵan Besinshi Kaspıı sammıtiniń tarıhı mańyzdylyǵy erekshe atap ótildi. Taraptar Kaspıı teńiziniń quqyqtyq mártebesi týraly konvensııanyń baptaryn ımplementasııa jasaý jáne Aqtaý sammıtinde qol jetkizilgen ýaǵdalastyqtardy júzege asyrý qajettigin aıtty.
Kólik-tranzıt jáne aýyl sharýashylyǵy salalaryndaǵy ekijaqty ózara árekettestiktiń oń qarqyny atap ótildi. Osy oraıda, taraptar Parsy shyǵanaǵyna jol ashatyn Qazaqstan-Túrikmenstan-Iran temirjol marshrýtyn paıdalanýdy jandandyrýdyń mańyzdylyǵy basa aıtyldy.
Sonymen qatar, QR Syrtqy ister mınıstriniń birinshi orynbasary M.Tileýberdi Irannyń Syrtqy ister mınıstri Mohammad Djavad Zarıfpen kelissózder ótkizip, onyń barysynda joǵary laýazymdy ırandyq dıplomatty Qazaqstandaǵy sońǵy saıası ózgeristermen tanystyrdy. Atap aıtqanda, Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń óz erkimen Memleket basshysy ókilettigin toqtatqany jáne aldaǵy prezıdenttik saılaýlar týraly aıtyp berdi.
M.Zarıf N.Nazarbaev Qazaqstannyń damýyna jáne aımaqta ári álemde qaýipsizdik pen turaqtylyqty nyǵaıtýǵa teńdessiz úles qosqan óte dana saıası qaıratker ekendigin málimdedi. Irannyń syrtqy saıasat vedomstvosynyń basshysy Qazaqstanda aldaǵy ýaqytta ótetin saılaýlardyń demokratııa qaǵıdattaryna sáıkes ótetindigine senimdiligin bildirdi.
Qazaqstandyq dıplomat memleket basshylyǵynda bolǵan ózgeristerge qaramastan elimizdiń syrtqy saıası baǵdary ózgerissiz qalatynyn málimdedi. Iranmen tatý kórshilestik qatynastardy damytý Qazaqstannyń syrtqy saıasatyndaǵy basymdyqtardyń biri bolyp qalatyndyǵyn aıtty.
Sapar sheńberinde M.Tileýberdiniń Irannyń Kólik jáne qala qurylysy mınıstri Mýhammed Islamımen jáne Aýyl sharýashylyǵy djıhady mınıstriniń orynbasary Iazdan Seıfpen kezdesýleri boldy. Taraptar saýda-ekonomıkalyq yntymaqtastyqtyń qazirgi jaǵdaıy jáne bolashaǵy, onyń ishinde kólik pen tranzıttik áleýetti damytý, Iranǵa aýyl sharýashylyǵy ónimderin eksporttaý jáne t.b. máselelerdi talqylady. Qazaqstan men Iran arasyndaǵy ekijaqty taýar aınalymynyń kólemi 2018 jyly 516,309 mln. AQSh dollaryn qurady (eksport – 426,76 mln., ımport 89,54 mln.).
Atalǵan kezdesýler qorytyndysy boıynsha, ırandyq taraptyń Bandar-Abbas jáne Amırabad porttarynda Qazaqstannyń logıstıkalyq ortalyqtar salýy úshin jer bólýi boıynsha ýaǵdalastyqtar jasaldy. Bul Ortalyqtar Iran aýmaǵy arqyly Parsy shyǵanaǵy elderiniń naryǵyna otandyq taýarlardy eksporttaýǵa múmkindik beredi.
Traptar jaqyn aralyqta Nur-Sultan qalasynda qazaqstan-ıran Úkimetaralyq komıssııanyń 16-shy otyrysyn ótkizýge qyzyǵýshylyqtaryn qýattady.
