Kezekten tys prezıdenttik saılaý týraly sheshim qabyldaý, Memleket basshysy aıtqandaı, óte mańyzdy ári asa qajet qadam. Mundaı kezderde eldiń birligine syzat túspeýi kerek. Qazir Qazaq eline búkil álemniń nazary aýyp turǵan shaq. Prezıdenttiń ókilettiligi 19 naýryzda toqtatylyp, Qasym-Jomart Toqaev prezıdent retinde taǵaıyndalǵan bolatyn. Endi búkilhalyqtyq saılaý arqyly zańdy memleket basshysy saılanady, sondyqtan ony sozbaı bıyl 9 maýsymǵa qoıǵanyn biz biraýyzdan qoldaımyz. Konstıtýtsııa boıynsha saılaýdyń ótetini eki aı buryn jarııalanýy tıis. Úndeýde aıtylǵan taǵy bir másele, syrttan kóz alartyp otyrǵandardyń jáne ishimizde de túrli pıǵyldy toptardyń bar ekendigi. Degenmen elimiz óziniń birligin kórsetip, osy saılaýdyń taza ótýine atsalysady degen oıdamyn.
Baýyrjan JAQYP,
Aqyn, Qazaqstan Jazýshylar Odaǵy
Basqarma Tóraǵasynyń orynbasary
