«Qazaqstannyń Qurmetti jýrnalısi, belgili qalamger, «Egemen Qazaqstan» gazetiniń ardageri Bekbolat Ádetovtyń dúnıeden ozýyna baılanysty qaıǵylaryńyzǵa ortaqtasyp, kóńil aıtamyn.
Bekbolat aǵamyz óz isine adal, mamandyǵyna ábden mashyqtanǵan myqty tulǵa edi. Ol kisi jýrnalıstıka salasyndaǵy talaı býyndy tárbıelegen ustaz da bola bildi. Árdaıym izdenis ústinde júretin aǵamyz, eldiń kókeıindegi máselelerdi qozǵap, oqyrmannyń kóńiline qonatyn maqalalar jazdy. Sondaı-aq, qalamgerligin qatar alyp júrip, artyna tamasha shyǵarmalar men kitaptar qaldyrdy.
Áriptesterine, aınalasyndaǵy adamdarǵa izettilik pen zııalylyqtyń úlgisin kórsetken, jany jaısań azamattyń elge sińirgen eńbegi men jarqyn beınesi júregimizde saqtalady. Topyraǵy torqa, jatqan jeri jaıly bolsyn», delingen habarlamada.
