Almatyda kólikti reformalaý aıasynda jyljymaly sostavty jańartý jáne qalanyń baǵyt júıesin ulǵaıtý jalǵasýda. Bıylǵy jyly tasymaldaýshylar taǵy 460-tan astam jańa avtobýstar alýdy josparlaýda. Bul týraly Almaty ákimdiginiń baspasóz qyzmeti habarlady.
Jyljymaly sostav Eýro-5 ekologııalyq standartqa saı jáne kondısıonerlermen, vıdeobaqylaý, kameralarymen, pandýstarmen jabdyqtalǵan. Qalada jyl basynan beri qaraı №65, №60, №14 eń tyǵyz baǵyttar boıynsha 125 jańa avtobýs jolaýshy tasymaldaýda.
Aıta keterligi, qala avtobýs parkiniń 80%-ǵa jańarýyna qolma-qol aqysyz tólem jasaıtyn «Ońaı» júıesin engizý arqasynda qoljetti. Eger buryndary avtoparkter bıýdjet qarjysy esebinen jańarsa, al qazir tasymaldaýshylar óz qarjylaryn ınvestısııalaýǵa múmkindik beretin ashyq naryqtyq mehanızmdi utymdy qoldanýda.
– Jalpy, Almatyda kólik reformasy aıasynda eki jyl ishinde ǵana qalanyń avtobýs parki 80%-dan astamǵa jańardy, elimizdegi alǵashqy BRT jelisi jumys isteı bastady, karsherıng qyzmeti engizildi, metronyń eki stansasynyń qurylysy jalǵasýda jáne LRT qolǵa alyndy, delingen habarlamada.
Bulardan ózge,15 sáýirden bastap qalada 120-dan astam kósheni ortasha jóndeý bastalady, qalanyń 14 yqsham aýdanyndaǵy 456 kóshege jańa joldar salynady. Eń bastysy, jóndeý jumystary qoǵamdyq kóliktiń júrý kestesi men baǵyt qozǵalysyna keri áserin tıgizbeıdi. Keptelisti boldyrmaý úshin joldy tolyq jabý tek tún mezgilinde ǵana júrgiziledi.
