Olardyń qatarynda Baqytkúl Táýkenqyzy da bar. 2006 jyly alǵashynda oń qolynda baıqalǵan diril, birte-birte kúsheıip, qımyly baıaýlaı bastaıdy, al arada ótken 4-5 jyl ishinde oǵan sol jaǵy da qosylyp, dárigerler baqylaýymen qansha Parkınson aýrýyna qarsy preparattardy qoldanǵanymen oń nátıjege qoly jetpeı, sońynda ózdiginen júrip-tura almaıtyn jaǵdaıǵa dýshar bolady.
2014 jyly pasıentke ortalyqta mıǵa tereń stımýlıasııa jasaıtyn operasııa ótýiniń nátıjesinde mine, besinshi jyl Baqytkúl Táýkenqyzy qasynan tastamaıtyn jantorsyǵyndaı qalta telefonynyń kólemindegi qurylǵyny qoldanyp, ondaǵy baǵdarlamalardy almastyryp qoldaný arqyly óz betimen júrip-turatyn jaǵdaıǵa jetti. Endi Baqytkúl hanym ortalyqtaǵy tegin konsýltasııaǵa kelip ári qurylǵynyń batareıasyn aýystyryp almaq.
Aıta ketken jón, elimiz boıynsha bul dertke shaldyqqandar sany 20 myńdaı syrqatty quraıdy.
