Qoǵam • 18 Sáýir, 2019

Qatygez ananyń ústinen qylmystyq is qozǵaldy

787 ret kórsetildi

Bul isti Ishki ister mınıstrligi, Bas prokýratýra, Bilim jáne ǵylym mınıstrligi baqylaýǵa aldy. Qyzdar qajetti em, arnaıy psıhologterdiń kómegin aldy. Jetisaı aýdandyq polısııa basqarmasynda tirkelgen is boıynsha Qylmystyq kodekstiń 140-babyna sáıkes sotqa deıingi tergeý amaldary júrip jatyr. Sonymen qatar kúdiktini qamaqqa alý túrindegi jazany oryndaý boıynsha shara qoldanylǵan. Ata-ana quqyǵynan ógeı anasyn ǵana emes, sondaı-aq ákesin de aıyrý jónindegi másele qarastyrylyp jatyr. Komıssııa sheshimimen balalar ájesine tapsyrylǵan.

Keshteý bolsa da málim bolǵan oqıǵaǵa baılanysty kóńildi osylaı jubatyp alǵanymyzben, ógeı ananyń qatygezdigi, qorǵansyz qyzdardyń denesine ǵana emes, júregine túsken jara týraly aq­parattar eńseni ezip, aýyr oıǵa jeteleıdi. Iá, áleýmettik je­lide aqparat jarııalanbaı tu­ryp, Túrkistan oblysy Jetisaı aýdanynda mektep muǵalimderi oqýshylardyń denesinen isik pen uryp-soǵý izderin baıqap, polısııa qyzmetkerlerin shaqyrdy. Ba­lalardy jábirlegen áıel bir­den polısııaǵa jetkizildi. Áleý­met­tik jeli belsendisi taratqan aq­paratqa qaraǵanda, apaly-siń­lili – 16, 14 jáne 12 jastaǵy qyz­­dardyń kórmegen qorlyǵy qal­­maǵan. О́geı anasy, 1991 jyl­­ǵy Juldyz kámelet jasyna tol­­maǵan qyzdardy uryp-soqqa­­ny azdaı, jantúrshigershik tásil­­men denelerine jaraqat sa­lyp, azaptaǵan. Onyń mundaı qaty­gez­dikke ne sebepti barǵany ázirge beımálim. О́geı ana Juldyz 2016 jy­ly jergilikti azamatqa tur­mys­qa shyqqan. Jábirlengen úsh qyz azamattyń alǵashqy áıe­linen týǵan. Aýdan ákiminiń keńes­shisi Aıdar Seıdázimniń aıtýyn­sha, ot­ba­synyń áleýmettik jaǵ­daıy jaman emes. Otaǵasy kólik jón­deýmen aınalysady. О́geı ananyń balalardy uryp-soǵýy ákeleri úıde joq kezde bolǵan kórinedi. Kórshileri de kúdiktener eshteńe baıqamaǵan. 2017 jyly olardyń arasynda bir ul dúnıege kelgen. Týys­tary­­nyń aıtýynsha, osy kez­den bas­tap kelinniń minez-qul­qynda ózge­rister baıqalypty. Biraq oǵan mán bermegen. Jul­dyz qyzdar­dy uryp-soǵyp jáne ony eshkim­ge aıt­paýdy eskertip otyr­ǵan. Qyz­­dar bul týraly eshkimge tis jar­­maǵan. Oǵan qorqynysh pen qor­ǵan­syzdyq qana emes, «ákemiz taǵy da ajyrasyp ketpesin» degen ja­na­shyrlyq oı da sebep bolǵan sııaqty. 

Iá, ananyń jyly alaqa­nyn, meıirimin ańsaǵan, saǵyn­ǵan, armandaǵan qyzdar ózderiniń baýyry, eki jasar inisiniń erteńin eskergen de bolar. Baýyrynyń tolyq otba­synda tárbıelengenin qala­­ǵan shyǵar. Biraq ógeı ana­nyń qatygezdigi shekten shyq­ty. Qyzdardyń týǵan anasy búginde Shymkent qala­­synda turyp jatqan kóri­ne­di. Estýi­mizshe, eki arada baıla­nys úzilgen. Qyzdaryna qaraılamaǵan anany qatygez nemese meıirimsiz dep kiná­laý­ǵa qaqymyz joq. Al otbasyndaǵy jaǵdaıdy qyz­da­ry­nyń qabaǵyna qarap-aq bi­lýge bolatyn otaǵasynyń  osy ýaqytqa deıin eshteńe bilmeı kelgeni kópshilikti tań­ǵal­dyryp otyr. О́geı ana qyz­dardyń denesiniń kózge kóri­ne bermeıtin jerlerin kó­ger­tip kelgeni aıtylýda. Ákeleri baıqamaǵan bolar, biraq qyzdarymen jıi áńgimelesse, qasynda kóbirek bol­sa birden-aq ańǵarar edi. Bul da búgingi ata-ana men balalar arasyndaǵy alshaq­tyq­ty bildiredi. Qyzdardyń ata-ájeleri de alysta emes. Sońǵy jyldary erli-zaıyp­tylardyń ajyrasý derekteriniń arta túsýi de oı salady. Iá, biz kinálini izdep otyrǵan joqpyz, jurtty dúrliktirgen osy oqıǵanyń sebebin bilsek deımiz. 

Osy oqıǵaǵa baılanysty ótken baspasóz máslıhatynda Túrkistan oblystyq polısııa departamenti baspasóz qyz­metiniń jetekshisi Sal­ta­nat Qarakózova ógeı ana­sy­nyń qatygezdikpen bala­laryn uryp-soǵyp, dene jaraqattaryn salý arqy­ly zorlyq kórsetkeni anyq­tal­ǵanyn málim etti. Qazirgi tańda balalar Jetisaı aýdan­dyq ortalyq aýrýhanasynda dárigerler qaraýynda. Olar­­dyń densaýlyǵy men ómi­­rine esh qaýip joq. Atal­­ǵan oqıǵaǵa qatysty pikir bildirgen Ishki ister mınıstr­­li­giniń resmı ókili Nurdildá Oraz máseleni mınıstr Erlan Turǵymbaev óz baqy­laýyna alǵanyn habarlady. Máseleniń mán-jaıyn anyqtaý úshin arnaıy komıssııa quryldy. Bilim jáne ǵylym mınıstri Kúlásh Shámshıdınovanyń tapsyrmasymen mınıstrdiń keńesshisi Raısa Sher jedel túrde Túrkistan oblysyna attanǵan.

Túrkistan oblysy

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar