Ádebıet • 18 Sáýir, 2019

«Alash» syılyǵy – abyroı bıigi

1047 ret kórsetildi

Jýyrda Qazaqstan Jazýshy­­­lar odaǵy Sek­retarıat máji­li­siniń sheshimimen 2017-2018 jyldar úshin birqatar qalamgerge Halyq­aralyq «Alash» ádebı syılyǵy berildi.

Atalǵan syılyq – qa­zaq­­tyń eldik týyn eńse­li kótergen qalam qaı­­rat­­kerlerine berile­­­­ti­nin bilemiz. Úzdik dep ta­byl­ǵan úrkerdeı top­ta eli­mizge belgili shyǵar­ma­shylyq ıeleri, onyń ishinde bas basylymǵa etene jaqyn esim – «Egemen­niń» ardageri, Qazaq­stannyń eń­bek sińirgen qaıratkeri, Pre­zı­­dent­ syılyǵynyń laý­reaty Qaısar Álim bar.
Áriptesimizdiń «Mirjaqyp­tyń oralýy. Voz­vra­shenıe Mır­ja­kıpa» atty qos tildi hıkaıat-saparnama kitaby («Mektep» baspasy, 2017 j.) úshin osynaý bedeldi ádebı syılyq tabys etilgen.

Alash arysy Mirjaqyp Dý­latuly aqtalǵannan bergi otyz jyl boıy osy qaıtalanbas tul­ǵa týraly zertteý maqalalar men esseler, derek­ti áńgimeler jazǵan áriptesimiz, onyń múr­desin qıyrdaǵy Kare­lııadan áke­lip, týǵan Tor­ǵaıyna máńgi ta­bys­taýda zor eńbek sińirdi. Mi­ne, Q.Álimniń alashshyl jú­rek ıesi Mirjaqyp murasyn na­sı­hattaýdaǵy eren izde­nisi osylaısha «Alash» syılyǵymen oryndy ata­lyp ótkeni ózi shırek ǵasyr jemisti eńbek etken gazet ujymyn, oqyrmandaryn zor qanaǵat sezimine bóleıdi.

Osy joly Halyqaralyq «Alash» syılyǵy on toǵyz qa­lam­gerge berilgenin aıta ket­kenimiz jón. Olardyń ishinde esim­deri elge eleýli Zeınolla Ti­leý­­janov, Ǵusman Jandybaev, Saılaýbaı Juba­tyruly, Baı­bota Qoshym-Noǵaı, Serikbaı Ospa­nov, Mıra Shúıinshálıeva, Myr­zan Kenjebaı, Dáý­ren Qýat, Dáýletkereı Kápuly sııaqty shyǵar­ma­shyl jandar bar.
Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar