Depýtattar ázirlegen zań jobasy maquldandy

Baıandamashy zań jobasy bar­lyǵy 55 qyzmetti biriktiretin osyn­daı 21 kompozıttik tásildi engi­zýdi kózdep otyrǵanyn jet­kizdi. Bul, ásirese múmkindigi shek­teýli balalary bar otbasylar úshin yńǵaıly bolmaq. Sonymen bir­ge ol sybaılas jemqorlyq táýe­kel­derin bolǵyzbaý jáne bız­neske qolaıly jaǵdaı jasaý maq­satynda orta jáne iri kásip­kerlik sýbektilerin tirkeý­di tolyǵymen elektrondy for­matqa kóshirý jáne qujattar tiz­be­sin ońtaılandyrýdy kózdeı­di. Nátıjesinde jeke kásipker­likti tirkeý elektrondy ótinish be­rilgen kezden bastap qazirgideı bir kún emes, bir saǵattyń ishin­de júzege asyrylatyn bolady. Sondaı-aq zań jobasy áke bolý men asyrap alýdy memle­ket­tik tirkeýden alyp tastaıdy, óıt­keni bul týraly sot óz sheshi­min tirkeýshi organǵa elektron­dy nusqamen jiberedi. Bul qaǵaz qujat aınalymyn edáýir qysqartyp, blankige jumsalatyn shyǵyndardy, adamdardyń ár­túrli esikke barýyn azaıtady. 

Qazir el azamattary tarapynan memlekettik organdardyń sheshimderi saldarynan mekenjaı men jyljymaıtyn múliktiń derekterin ózgertý narazylyq týǵyzyp jatady. Mysaly, mem­le­kettik organdardyń sheshimi bo­ıynsha kósheniń ataýy nemese úılerdiń nómiri ózgerse, tur­ǵyndardyń da óz qujattaryna ózge­rister engizýine týra kelgen, óıtkeni úıdiń mundaı qu­jat­­taryn bank te, notarıýs ta qa­­byldamaıdy. Al myna zań jo­­basynda memlekettik organ­­dar­dyń sheshimimen eldi mekenderdiń, kóshelerdiń ataý­lary, sondaı-aq ǵımarattar men ózge de qurylystardyń rettik nó­miri ózgergen kezde jyl­jy­maı­­tyn múliktiń sáıkes­ten­dirý sıpattamalaryna ózge­ris­terdi tirkeýdiń avtomatty túrde júzege asyrylýy kózdel­gen. Túzetýler sheńberinde «mem­le­kettik qyzmetter kórsetý sala­syndaǵy qanatqaqty joba» degen uǵymdy engizý de josparlanǵan. Bul kórsetiletin qyzmetti je­til­dirgen kezde prosesterdi aldyn ala synaqtan ótkizýge, táýe­kel­derdi anyqtaýǵa, qyzmetterdi kór­setý kezeńderin túzetýge jáne eń bastysy, áleýmettik mańyz­dy máseleler boıynsha táýe­kelderdi azaıtýǵa múmkindik beredi. Sonymen birge M.Aısı­na zań jobasynyń 200-den as­tam memlekettik qyzmetti ońtaı­lan­dyratynyn jáne t.b. atap ótti. 

Depýtattar baıandamashyǵa jáne zań jobasyna qatysy bar mı­nıstrlikter men vedomstvo­lardyń qatysyp otyrǵan ókil­derine kóptegen suraqtar berdi. Berilgen jaýaptar barysynda túrli mınıstrlikterdiń elektrondy qyzmet kórsetýleri kóbinese úılespeıtindigi belgili boldy. Máselen, sıfrlandyrýǵa asa zor kólemde, sonyń ishinde bıyl 92 mlrd teńge qarajat bólinip jatqanymen jumys nátıjesi tómen ekendigine Májilis Tór­aǵasy N.Nyǵmatýlın nazar aýdaryp, jetistik tómen bolsa, bólingen aqshany tolyq ıgerdik dep maqtanýǵa bolmaıtynyn qadap aıtty. Sonymen birge ol depýtattar usynǵan túzetýlerdiń mańyzdylyǵyna toqtalyp, olar Elbasy Nursultan Nazarbaev alǵa qoıǵan memlekettik qyzmet kórsetýdi elektrondy formatqa kóshirýdi 2020 jyly 90 paıyzǵa jetkizý mindetin oryndaýǵa qyzmet etetinine nazar aýdardy. «Qazaqstanymyzdaǵy árbir aza­mattyń ómirdegi barlyq qajettiligi memlekettik qyzmet kórsetý boıynsha retteledi. Son­dyqtan memlekettik qyzmet kórsetý árqashanda zaman talabyna saı jańaryp otyrý kerek. Sonymen qatar qoljetimdi jáne sapasy joǵary deńgeıde bolýy tıis» – dedi ol.

Osyndaı qyzý talqylaýdan keıin zań jobasy birinshi oqy­lym­da maquldandy. Ol 40 zań men 10 kodekske ózgertýler men to­lyqtyrýlar engizedi. Nátı­je­sinde memlekettik qyzmetti alý boıynsha 100 mln qujat qys­qartylatyny boljanýda. Al jumys tobyna depýtattar men ko­mıtetterden barlyǵy 578 usy­nys túsip, múddeli mınıstr­likter, vedomstvolar jáne qoǵamdyq uıymdar ókilderi­niń qatysýymen bes otyrys bol­ǵandyǵy belgili boldy. 

Sonymen birge jalpy otyrysta «Bir taraptan Eýrazııalyq ekonomıkalyq odaq pen oǵan múshe memleketter jáne ekin­shi taraptan Qytaı Halyq Res­pýb­lıkasy arasyndaǵy saýda-ekonomıkalyq yntymaqtastyq týraly kelisimdi ratıfıkasııa­laý týraly» zań jobasy ma­qul­dandy. Zań jobasy 2018 jyl­ǵy 17 mamyrda Astana qa­la­­synda jasalǵan Kelisimdi ratı­fıkasııalaýǵa baǵyttalǵan. Ol Eýrazııalyq ekonomıkalyq odaqqa múshe memleketter men Qytaı Halyq Respýblıkasy arasyndaǵy ózara saýdany jaq­sartý úshin jaǵdaılar jasaýǵa ne­gizdelgen. Kelisim saýdany ret­teý men yntymaqtastyqty art­tyrýdy kózdeı otyryp, ish­ki naryqty qorǵaý sharala­ry, saýdadaǵy tehnıkalyq ke­der­giler, sanıtarlyq jáne fıto­sanıtarlyq sharalar, kedendik yntymaqtastyq, zııatker­lik menshik, básekelestik, mem­l­e­ket­tik satyp alý salasyndaǵy yn­ty­maqtastyq, salalyq yntymaq­tastyq, elektrondy saýda sııaq­ty salalardyń keń aýqymyn qamtyǵan.

Sonymen birge jalpy otyrysta «Qazaqstan Respýblıkasy men Soltústik ınvestısııalyq bank arasyndaǵy Soltústik ın­vestısııalyq banktiń Qazaqstan Res­pýblıkasyndaǵy qyzmetin ret­teıtin negizdemelik kelisimdi ratı­fıkasııalaý týraly» zań jobasy men «Qazaqstan Respýb­lıkasynyń Úkimeti men Eýro­palyq ıadrolyq zertteýler jónindegi uıym (CERN) ara­syndaǵy ǵylymı-tehnıkalyq ynty­maq­tastyqqa qatysty halyq­aralyq yntymaqtastyq týraly kelisimdi ratıfıkasııalaý týraly» zań jobasy boıynsha qorytyndy ázirleý merzimderi belgilendi.