Prezıdenttik saılaýdaǵy jýrnalıster etıkasy

Halyq tańdaýyn jasaýda tórtinshi bıliktiń atqaratyn róli zor. Osy oraıda Bas redaktorlar klýbynyń músheleri 2019 jyldyń 9 maýsymynda ótetin kezekten tys prezıdenttik saılaýyn aqparattyq turǵyda qamtamasyz etkende etıkalyq normalardy ustaný týraly hartııany qarady. Bas redaktorlar klýbynyń vıse-prezıdenti Marat Bashımov hartııanyń Ata Zańǵa, «Qazaqstan Respýblıkasyndaǵy saılaý týraly» Konstıtýsııalyq Zańyna jáne «Buqaralyq aqpa­rat quraldary týraly» Zańy­na sáıkes ázirlengenin jet­kiz­di. «Álemniń barlyq elinde buqaralyq aqparat quraldary eldegi eleýli oqıǵalar kezinde árdaıym etıkalyq normalardy ustaný týraly hartııany eskere­di. Bul mindetti túrde oryndalatyn normalar jıyntyǵy bolmaǵanymen, jýrnalısterdiń jumysy barysynda aıryqsha eskeriletin kásibı etıka kór­setkishteri bolmaq», deı kele, klýb múshelerine óz oılaryn ortaǵa salýdy usyndy. «Eksp­ress K» gazetiniń bas dırektory Ádilhan Núsipov saılaý naýqany ádil, zań aıasynda ótý kerektigine toqtalyp: «Álbette mundaı hartııany qoldaǵan abzal. Jarnamaǵa jol bermeı, obektıvti túrde jazý qajet. Osy normalardy qoldaý maqsatynda qujatqa qol qoıamyz», dedi. Jınalǵan basqa da BAQ basshylary bastamany qoldaıtynyn aıtyp, hartııaǵa qol qoıdy. 

Aıta keteıik, atalǵan qujat­tyń basty maqsaty retinde:

- saılaý barysynyń barlyq kezeńderin – ortalyq jáne bas­qa saılaý komıssııanyń qyz­meti, saılaý kampanııasynyń negiz­gi kezeńderi, prezıdenttikke úmitkerler men olardyń saılaý aldyndaǵy aksııalary, daýys berý qorytyndysynyń tártibi, barysy jáne ótkizilýi týra­ly BAQ-tyń kásibı, obektıvti jáne jedel túrde kórsetýi arqy­ly azamattardyń saılaý quqy­ǵynyń tolyq iske asyrylýyna járdemdesý; 

- Qazaqstan Respýblıkasynyń qoldanystaǵy zańnamasyna sáı­kes barlyq tirkelgen prezı­dent­tikke úmitkerlerge BAQ-ta aqpa­rat berýge teń ruqsat berý;