Shubaıqyzyl shoqysy – elimizdiń Qyzyl kitabyna engizilgen «greıg» qyzǵaldaǵy eń kóp ósetin aýmaq. Bul qyzǵaldaqtar sondaı-aq Qazyǵurt, Tóle bı, Báıdibek óńirlerindegi taýly aýmaqtarda da kezdesedi. Kóktemniń, jańa ómirdiń, tirshiliktiń jarshysy bolyp esepteletin qyzǵaldaqtar jylyna bir ret nebári 10-15 kún ǵana gúldeıdi. Sol kúnderi osy shoqydaǵy20 gektaralqap qyzyl kilemge oranǵandaı ásem túrge enedi. Aıta ketelik, bir kezderi «Krasnaıa gorka», keıinnen «Qyzyl tóbeshik» dep atalǵan jerge jazýshy Marhabat Baıǵut aǵamyzdyń bastamasymen «Shubaıqyzyl shoqysy» ataýy qaıta berilgen bolatyn.
Festıvaldiń bir maqsaty joǵaryda aıtqanymyzdaı qyzǵaldaqtardy, jalpy qorshaǵan ortany qorǵaý ekeni málim. Osy oraıda óńirde Qyzyl kitapqa engizilgen «Greıg» jáne «Kaýfman» qyzǵaldaqtaryn zańsyz julý, avtojoldar boıynda, basqa da oryndarda satý jaıttaryn anyqtaý, aldyn alý jolyn kesý maqsatynda tıisti oryndar reıdtik is-sharalar uıymdastyryp keledi. Túrkistan oblysy polısııa departamenti jergilikti polısııa qyzmeti basqarmasynyń tabıǵatty qorǵaý tobynyń aǵa ınspektory Nurlan Tumanbaevtyń málimdeýinshe, «Greıg» jáne «Kaýfman» qyzǵaldaǵyn julýshylardyń áreketi QR qylmystyq kodeksiniń 339 babynda kózdelgen qylmystyq jaýapkershilikpen qaralady. Quqyqbuzýshynyń áreketi dáleldengen jaǵdaıda oǵan sot sheshimimen 3 myń aılyq eseptik kórsetkishpen aıyppul salynyp nemese bas bostandyǵynan aıyrý jazasy taǵaıyndalýy múmkin.
Festıval aıasynda "Shyraılym - Shubaıqyzylym" baıqaýynyń jeńimpazdary marapattalyp, konserttik baǵdarlama uıymdastyrylady.
Túrkistan oblysy
