Tarazy
Juma, 10 tamyz 2012 18:48
«Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Prezıdent Jarlyǵyn oryndaý talapqa saı júzege asyrylýda. Bul maqsatta respýblıka boıynsha birqatar tıisti is-sharalar júrgizilip keledi. Sonyń biri de biregeıi retinde aıtarymyz, Prezıdent janyndaǵy Joǵarǵy attestattaý komıssııasynan ótken quqyq qorǵaý organdary qyzmetkerleri endi birtindep Ortalyq attestattaý komıssııasyndaǵy synaqtan ótýde.
Juma, 10 tamyz 2012 18:48
«Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Prezıdent Jarlyǵyn oryndaý talapqa saı júzege asyrylýda. Bul maqsatta respýblıka boıynsha birqatar tıisti is-sharalar júrgizilip keledi. Sonyń biri de biregeıi retinde aıtarymyz, Prezıdent janyndaǵy Joǵarǵy attestattaý komıssııasynan ótken quqyq qorǵaý organdary qyzmetkerleri endi birtindep Ortalyq attestattaý komıssııasyndaǵy synaqtan ótýde.
Máselen, aǵymdaǵy jylǵy 21 mamyrdan 19 maýsymǵa deıin qarjy polısııasynyń 68 qyzmetkeri, olardyń qatarynda Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasarlary, Agenttik apparatynyń jetekshisi, ortalyq apparat departamentteriniń bastyqtary, oblystar, Astana jáne Almaty qalalarynyń qarjy polısııasy departamentteriniń bastyqtary men olardyń orynbasarlary, Qarjy polısııasy akademııasynyń bastyǵy el Prezıdenti janyndaǵy Joǵarǵy attestattaý komıssııasynda synaqtan ótti.
Attestattaýdan ótýshiler Qazaqstan Respýblıkasy zańnamasyn bilý jáne logıkalyq oılaý qabiletin kórsetetin testilerdi, dene shynyqtyrý jáne atys daıyndyǵy normatıvterin tapsyrdy, sondaı-aq psıhologpen suhbattasty. Premer-Mınıstrdiń tóraǵalyǵymen ótken Joǵarǵy attestattaý komıssııasynyń qyzmetkerlerimen bolǵan áńgimelesý nátıjesinde 3 qyzmetker joǵary laýazymǵa taǵaıyndaýǵa usynylýǵa jatsa, 45 qyzmetker laýazymdaryna tolyq sáıkes keletin boldy, al 8 qyzmetker laýazymdaryna sáıkes kelmeıdi jáne tómen laýazymǵa taǵaıyndalýǵa usynyldy. Bulardyń 2-i qarjy polısııasynyń aýmaqtyq departamentteriniń bastyqtary, 6-y – departament bastyqtarynyń orynbasarlary. Sonymen qatar, 1 qyzmetker laýazymyna sáıkes kelmeıdi dep tabylyp, basqa qyzmetke aýystyrýǵa usynyldy, 11 qyzmetker qarjy polısııasy organdarynan jumystan shyǵarylýǵa jatqyzyldy, olardyń 2-i – aýmaqtyq departament bastyqtary, 9-y – departament bastyqtarynyń orynbasarlary.
Joǵarǵy attestattaý komıssııasy qorytyndylardy shyǵarǵan kezde testileý men psıhologpen bolǵan suhbattyń nátıjelerin, qyzmetkerlerdiń dene shynyqtyrý jáne atys daıyndyǵymen qatar, olardyń jedel-qyzmettik jumysynyń nátıjelerin de eskerdi. Osylaısha, joǵarǵy attestattaý komıssııasynda 68 qarjy polısııa qyzmetkeriniń 29 paıyzy synaqtan óte almady.
Attestattaýdy ótkizýdiń basty mindeti – qarjy polısııasy organdarynyń quramyn qoǵamnyń talaptaryna saı óziniń qyzmettik mindetterin tıimdi atqara alatyn qyzmetkerlermen qalyptastyrý. Osyǵan sáıkes, kezekten tys attestattaý bastalmastan buryn-aq tapsyrylǵan jumysty tıisti deńgeıde uıymdastyra almaǵandary úshin 37 basshy laýazymdarynan bosatylǵan edi. Olardyń qatarynda: Agenttik tóraǵasynyń 2 orynbasary; ortalyq apparat departamentteriniń 6 bastyǵy; aýmaqtyq departamentterdiń 9 bastyǵy; aýmaqtyq departamentter bastyqtarynyń 20 orynbasary boldy.
Talapqa sáıkes kelmeýine baılanysty qyzmetinen bosatylǵan atalǵan 37 qyzmetkerdi jáne attestattaýdan óte almaǵandardy qosa sanaǵanda, qarjy polısııasy organdarynan basshylyq laýazymdaǵy 57 adam jumystan shyǵaryldy. Sonymen qatar, Joǵarǵy attestattaý komıssııasynyń qatań talaptaryn eskerip, 9 qyzmetker kezekten tys attestattaýdan ótýden bas tartyp, ózderi jumystan shyǵýǵa ótinish jazdy.
Osylaısha, aǵymdaǵy jyldyń basynan qarjy polısııasy organdarynyń basshylyq quramy 85 paıyzǵa jańartyldy. Endi kúni keshe ǵana kezekten tys attestattaýdyń ekinshi kezeńi de aıaqtaldy. Ortalyq apparattyń jáne taǵaıyndalýy agenttiktiń nomenklatýrasyna kiretin aýmaqtyq qarjy polısııasy organdary men Qarjy polısııasy akademııasynyń qyzmetkerleri agenttik janyndaǵy Ortalyq attestattaý komıssııasynda synaq tapsyrdy. Munda attestattaýdy 533 qyzmetker ótýi tıis bolatyn, alaıda 19 qyzmetker ortalyq attestattaý komıssııasynyń joǵary talaptaryn eskere kele, laýazymdarynan bosatý týraly baıanat jazyp, attestattaýdan ótýden bas tartty, 2-i ortalyq áskerı-medısınalyq komıssııaǵa qaralýǵa jiberildi, 4 qyzmetker ýaqytsha eńbek qabiletsizdigine baılanysty attestattaýdan ótpedi.
Nátıjesinde Ortalyq attestattaý komıssııasynan 508 qyzmetker ótti, olardyń 283-i Agenttik qyzmetkerleri, 225-i aýmaqtyq departamentter men Qarjy polısııasy akademııasynyń qyzmetkerleri. Olardyń bári el zańnamasyn bilý, oılaý qabilettigin anyqtaýǵa baǵyttalǵan testileýdi jáne áskerı daıyndyq normatıvterin tapsyryp, psıholog mamandarymen suhbattasty. Sóıtip, 52 qyzmetker óz qyzmetterine sáıkes keledi jáne kadrlyq rezervke engizý nemese joǵary laýazymdarǵa taǵaıyndalýǵa bolady dep tabyldy, 393 qyzmetker atqaryp otyrǵan laýazymdaryna sáıkes keledi dep tanyldy. Al 38-i atqaryp otyrǵan laýazymdaryna sáıkes kelmeıtin bolǵandyqtan, tómen laýazymdarǵa taǵaıyndalýǵa usynyldy. 16 adam laýazymdaryna sáıkes emes dep tabylyp, 9 qyzmetker qarjy polısııasy organdarynan jumystan shyǵarylatyn boldy.
Sonymen, 508 qyzmetkerdiń 63-i nemese 12,4 paıyzy attestattaýdan óte almady, olardyń 38-i – aýmaqtyq departamentter men Qarjy polısııasy akademııasynyń basqarmalary men bólimderiniń bastyqtary. Kezekten tys attestattaý nátıjesinde aýmaqtyq qarjy polısııasy organdarynyń basshylyq quramynyń orta býyny 27 paıyzǵa jańartyldy. О́ıtkeni, attestattaýdy ótkizýdiń basty maqsaty, joǵaryda aıtqanymyzdaı, qarjy polısııasy organdarynyń kadrlyq quramyn qoǵamnyń talaptaryna saı óziniń qyzmettik mindetterin tıimdi atqara alatyn qyzmetkerlermen tolyqtyrý bolyp tabylatyndyǵy belgili.
Kezekten tys attestattaýdyń kelesi kezeńi, ıaǵnı aýmaqtyq qarjy polısııasy organdary jáne Qarjy polısııasy akademııasynyń janyndaǵy aýmaqtyq attestattaý komıssııalaryndaǵy synaqtar osy tamyz aıynda ótedi. Oǵan aýmaqtyq qarjy polısııasy organdary men Qarjy polısııasy akademııasynyń 2450 qyzmetkeri qatysady. Qazir Premer-Mınıstr jáne Agenttik tóraǵasymen kelisilgen barlyq 17 aýmaqtyq attestattaý komıssııalarynyń quramdary bekitildi. Olardyń jumysyna aýmaqtyq departamentter jáne Qarjy polısııasy akademııasynyń bastyqtary jetekshilik etedi. Ashyqtyq pen shynaıylyqty qamtamasyz etý maqsatynda attestattaý komıssııalary jumysyna qoǵamdyq jáne buqaralyq aqparat quraldarynyń ókilderi tartylýda.
Aleksandr TASBOLATOV,
«Egemen Qazaqstan».
