«Dostar, esterińizde bolsa, mekenjaı anyqtamasynan bas tartý kerek dep jazǵan edim. Mekenjaı anyqtamasynyń qanshalyqty qajet ekeni týraly post jazǵanymda sizderden kóptegen hattar kelip tústi. Anyqtaǵanymyzdaı ony talap etýge quqy joq myna organdar talap etedi: 1) memlekettik organdar; 2) Eńbek kodeksinde kórsetilmese de jumysqa qabyldamas buryn jekemenshik uıymdar», dep jazdy A. Jumaǵalıev feısbýktaǵy paraqshasynda.
Mınıstr qazaqstandyqtardyń talap-tilekteri eskerilgendigin atap ótti.
«Azamattan mekenjaı anyqtamasyn talap etkender HQKO-na jibermeı-aq, alýyna bolady. Jeke tulǵalar úshin qoljetimdi qyzmetterden mekenjaı anyqtamasyn alyp tastaýdy kózdeıtin qanatqaqty jobany qolǵa alyp jatyrmyz. Kadr bóliminiń qyzmetkeri azamattyń mekenjaı anyqtamasyn SMS kelisimin alyp, Egov-qa kirip júkteı alady», dep jazady mınıstr.
Vedomstvo basshysynyń aıtýynsha, 7 mıllıonnan astam qazaqstandyq azamattardyń mobıldik bazasynda tirkelgen. Bul degenimiz olardyń anyqtamasyn alý úshin úshinshi tulǵanyń suranysyn SMS arqyly rastaıdy jáne eshqaıda barýdyń qajeti joq.
«Qalǵan azamattar HQKO-na telefon nómirin tirketý úshin barýy tıis. Birneshe mınýt ishinde tirkelip, kóptegen artyqshylyqtarǵa ıe bolasyz. Tirkeýden soń ESQ-syz 25-ten asa servıs pen Telegram arqyly anyqtama alýǵa bolady», dep atap ótti mınıstr A. Jumaǵalıev.
A. Jumaǵalıev aıtqandaı, jaqyn arada qanatqaqty jobanyń qaı kúni bastalatyny anyqtalady.
«Anyqtamany úshinshi tulǵa arqyly alýdy úırenińizder. Eger túsiniksiz bolǵan jaǵdaıda HQKO qyzmetkerleri kómektesedi», dep qorytyndylady mınıstr.
