Maqsat – brýsellez aýrýyn juqtyrǵan maldardy anyqtap, aýrýdyń odan ári taralýyna jol bermeý. Jospar boıynsha bıyl qara maldan 81 myń synama, qoıdan 25 myń synama alý qarastyrylsa, qazir ár aıda qara maldan 25 myń synama alynýda. Synama barysynda, aýdan boıynsha 300 iri qaradan brýsellez aýrýy tabylǵan.
Jalpy aýdanda jekemenshikte 68 myń qara mal bar. Mysaly, Qundykól aýyldyq aýmaǵynda 5 myń mal bolsa,37-si brýsellez dertin juqtyrǵany anyqtalǵan. Sondyqtan, mal ıeleri de tekseriledi.
Mamandardyń aıtýynsha, negizi, brýsellez aýrýyna qarsy egý jumystaryna aýyldyqtardyń ózderi jaýapty. Mal ıesi ekpe satyp alsa - veterınarlar malǵa ekpe jasaıdy. Al, aýrý dep tabylǵan maldyń barlyǵy oqshaýlanyp, soıylyp, Aqmola oblysyndaǵy et óńdeý sehyna áketilýde.
Arnaıy memorandým boıynsha et óńdeıtin kásiporyn brýsellezben aýyrǵan qara mal etin kelisin 700-1000 teńge aralyǵynda baǵalap satyp alady. Aýdandyq veterınarııa bólimi soıylǵan maldy sehqa óz kólikterimen aparyp tapsyryp, ondaǵy zerthananyń hattamasyn alyp qaıtady
Pavlodar oblysy
